இறுதி சோதனை கட்டத்தில் கோவிட் -19 தடுப்பூசி; விரைவில் அறிமுகம்: ஆக்ஸ்போடு குழு

புது டெல்லி: நாவல் கொரோனா வைரஸ் (Coronavirus) தொற்று மற்றும் இறப்புகளின் எண்ணிக்கையை உலகம் முழுவதும் அதிகரித்து வரும் நிலையில், ஆக்ஸ்போர்டு பல்கலைக்கழகம் (University of Oxford) மற்றும் அஸ்ட்ராஜெனெகாவின் (AstraZeneca) மருத்துவ குழு, கோவிட் -19 (Covid-19 Vaccine) தடுப்பூசி மருத்துவ பரிசோதனைகளின் இறுதிக் கட்டத்தில் நுழைந்துள்ளது. நாடு முழுவதும் பல மருத்துவ குழு மற்றும் விஞ்ஞானிகள் கொரோனா தடுப்பூசி கண்டுபிடிப்பதில் மும்மரமாக உள்ளனர். ஆனால் இந்த முயற்சியில் இறுதி கட்டத்தை அடைந்த முதல் தடுப்பூசி இதுவாகும். மேலும், விஞ்ஞானிகள் தென்னாப்பிரிக்காவில் தடுப்பூசியின் மருத்துவ பரிசோதனைகளைத் தொடங்கி உள்ளனர்.

இந்த செய்தியும் படிக்கவும் | கொரோனா வைரசுக்கு தடுப்பூசி: 10 வருட ஆராய்ச்சி வெறும் ஒன்றரை ஆண்டுகளில்...ஏன்?

தற்போது, ​​கொரோனா வைரஸ் தொற்று (Coronavirus Pandemic) உலகம் முழுவதும் 95 லட்சத்துக்கும் அதிகமானவர்களுக்கு ஏற்பட்டுள்ளது மற்றும் அதிக தொற்று நோய் காரணமாக 4.8 லட்சத்துக்கும் மேற்பட்ட நோயாளிகள் இறந்துள்ளனர்.

விட்வாட்டர்ஸ்ராண்ட் பல்கலைக்கழக (University of the Witwatersrand) விஞ்ஞானிகள் தென்னாப்பிரிக்காவில் முதல் மருத்துவ பரிசோதனையைத் தொடங்கினர். SARS-CoV-2 க்கான தடுப்பூசியைக் கண்டுபிடிப்பதை நோக்கமாகக் கொண்ட விடா-சோதனையின் ஒரு பகுதியாக, ஆக்ஸ்போர்டு தடுப்பூசி (Oxford Vaccine) என அழைக்கப்படும் ஆக்ஸ் 1 கோவ் -19 (Ox1Cov-19) தடுப்பூசியை இந்த குழு சோதிக்கும்.

சீரம் இன்ஸ்டிடியூட் ஆப் இந்தியா (Serum Institute of India) ஆக்ஸ்போர்டு மருத்துவகுழுவுடன் ஒப்பந்தம் செய்துள்ளது. தடுப்பூசி பெருமளவில் உற்பத்தி செய்ய 100 மில்லியன் டாலர் முதலீடு செய்துள்ளது.

இந்த செய்தியும் படிக்கவும் | செப்டம்பர் மாதத்திற்குள் கொரோனா தொற்றுக்கு தடுப்பூசி... ஆக்ஸ்போர்டு நிபுணர்

இந்த தடுப்பூசி ChAdOx1 எனப்படும் வைரஸிலிருந்து தயாரிக்கப்படுகிறது. இது ஒரு பொதுவான குளிர் வைரஸின் (அடினோவைரஸ்) பலவீனமான மற்றும் பிரதிபலிக்காத பதிப்பாகும். இந்த தடுப்பூசி மனிதர்களில் SARS-CoV-2 ஸ்பைக் புரதத்தைக் கொண்டிருக்கும் வகையில் தயாரிக்கப்பட்டுள்ளது.

"மருத்துவ ஆய்வுகள் மிகச் சிறப்பாக முன்னேறி வருகின்றன. மேலும் தடுப்பூசி வயதானவர்களில் நோயெதிர்ப்பு சக்தியை எவ்வளவு நன்றாகத் தூண்டுகிறது என்பதை மதிப்பீடு செய்வதற்கும், பரந்த மக்கள் தொகையில் இது பாதுகாப்பை வழங்க முடியுமா என்பதை சோதிப்பதற்கும் நாங்கள் இப்போது ஆய்வுகளைத் தொடங்குகிறோம்" என்று ஆக்ஸ்போர்டின் தலைவர் பேராசிரியர் ஆண்ட்ரூ பொல்லார்ட் (Andrew Pollard) கூறினார்.

இந்த செய்தியும் படிக்கவும் | இந்த ஆண்டு இறுதிக்குள் அமெரிக்காவில் கொரோனா வைரஸ் தடுப்பூசி இருக்கும்: டிரம்ப்

சோதனைகள் வெற்றிகரமாக இருந்தால், ஆக்ஸ்போர்டு தடுப்பூசி குழு (Oxford Vaccine Group) இந்த ஆண்டு இறுதிக்குள் கோவிட் -19 தடுப்பூசியை அறிமுகப்படுத்தக்கூடும் என்று அறிக்கைகள் கூறுகின்றன.