Black Coffee: மன அழுத்தத்தை ஓட விரட்டும் பிளாக் காபி..!!!

Benefits of black coffee: பிளாக் காபி ஆரோக்கியத்திற்கு மிகவும் நன்மை பயக்கும். காபியில் காஃபின் இருப்பதால் உடல்நலம் பாதிக்கப்படும் என்ற தவறான எண்ணம் அனைவர் மனதிலும் உள்ளது. ஆனால் கருப்பு காபியை அளவாக உட்கொள்வது உங்களுக்கு பல நன்மைகளைத் தரும். உடல் கொழுப்பை கரைத்து அதன் மூலம் எடையைக் குறைக்க உதவும். பிளாக் காபியை கொழுப்பை எரிக்கும் சப்ளிமெண்ட் என்றும் சுகாதார நிபுணர்கள் அழைக்கின்றனர்.

காபியில் காணப்படும் சத்துக்கள்
பிளாக் காபியில் புரதம், கால்சியம், இரும்பு, மெக்னீசியம், பொட்டாசியம், பாஸ்பரஸ், சோடியம், துத்தநாகம், வைட்டமின் ஈ, வைட்டமின் பி6, வைட்டமின் கே போன்ற ஊட்டச்சத்துக்கள் உள்ளன, அவை ஆரோக்கியத்திற்கு மிகவும் பயனுள்ளதாக இருக்கும்.

பிளாக் காபி குடிப்பதால் கிடைக்கும் நன்மைகள்

1. மனச்சோர்வு நீங்கும்
இன்றைய காலகட்டத்தில் மனச்சோர்வு, பதட்டம், மன அழுத்தம் (Stress), அதிக தூக்கம் மற்றும் சோம்பல் போன்றவற்றால் மக்கள் மிகவும் சிரமப்படுகின்றனர். அவற்றிலிருந்து நிவாரணம் பெற, காபி குடிக்க வேண்டும். மூளை மற்றும் நரம்பு மண்டலம் இரண்டையும் தூண்டக்கூடிய காஃபின் பிளாக் காபியில் உள்ளது.

2. உடல் எடையை குறைக்க உதவும்
பிளாக்  காபியில் காணப்படும் காஃபின் வளர்சிதை மாற்றத்தை மேம்படுத்தும். அதாவது, ஆற்றலை உருவாக்கும் செயல்முறையை உங்கள் உணவின் மூலம் மேம்படுத்தலாம். காஃபின் உடலில் வெப்பத்தை அதிகரிப்பதன் மூலம் உடல் எடையைக் (Weight Loss) கட்டுப்படுத்தும்.

ALSO READ | Health Tips: மன அழுத்தத்தை விரட்டும் 6 பழங்கள்.!!

3. உடல் திறன் அதிகரிக்கும்

உடற்பயிற்சி அல்லது உடற்பயிற்சி செய்பவர்கள் பிளாக் காபியை உட்கொள்ளலாம். உடல் திறனை அதிகரிக்க, மருத்துவரின் ஆலோசனையை பெற்று அதன் அடிப்படையில் பிளாக் காபியை உட்கொள்ள வேண்டும்.

4. இதயத்திற்கு நன்மை பயக்கும்

பிளாக் காபி மற்றும் இதய ஆரோக்கியம் குறித்து இதுவரை மேற்கொள்ளப்பட்ட பல ஆய்வுகளில், தினமும் 1 அல்லது 2 கப் ப்ளாக் காபி குடிப்பதால், பக்கவாதம் உட்பட எந்த வகையான இதய நோய்களும் ஏற்படும் அபாயம் கணிசமாகக் குறைகிறது என்பது நிரூபிக்கப்பட்டுள்ளது.

ALSO READ | Health Alert! அளவுக்கு மிஞ்சிய சீரகம் பெரும் கேடு விளைவிக்கும்..!!

5. நீரிழிவு நோயில் நன்மை பயக்கும்

தினமும் பிளாக் காபியை உட்கொள்வதன் மூலம், நீரிழிவு நோயின் அபாயத்தை பெருமளவு குறைக்கலாம். பிளாக் காபி உடலில் இன்சுலின் உற்பத்திக்கு உதவுகிறது. இது நீரிழிவு அபாயத்தைத் தடுக்கிறது.

எனினும் வெறும் வயிற்றில் பிளாக் காபியை உட்கொள்வது தீங்கு விளைவிக்கும் என்று ஒரு ஆராய்ச்சி கண்டறிந்துள்ளது. காலை உணவுக்குப் பிறகு நீங்கள் குடிக்கலாம். ஏனெனில் காலை உணவுக்குப் பிறகு காபி குடித்தால், இரத்தத்தில் உள்ள சர்க்கரை திடீரென அதிகரிக்காது.

ALSO READ | Health Alert: காலையில் வெறும் வயிற்றில் சாப்பிடவே கூடாத ‘5’ உணவுகள்..!!!

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR