டெல்லி எதிர்கட்சி தலைவருக்கு மும்முனை போட்டி நிலவுவதாக தகவல்...

டெல்லி தேர்தலில் தர்மசங்கடமான தோல்வியை எதிர்கொண்ட பின்னர், சட்டமன்றத்திற்கு எதிர்க்கட்சித் தலைவரை தேர்வு செய்ய பாஜக தலைமை போராடி வருகிறது.

எதிர்க்கட்சித் தலைவரைத் தேர்ந்தெடுப்பதற்காக பாஜக தலைமைச் செயலாளர் சரோஜ் பாண்டேவை பார்வையாளராக நியமித்துள்ளார். இருப்பினும், கட்சியின் பழைய தலைவர்களை நம்பிக்கையுடன் அழைத்துச் செல்வதைத் தவிர, 8 MLA-க்களிடமும் பேச வேண்டிய பாண்டேவுக்கு இது எளிதான காரியமாகத் தெரியவில்லை.

சட்டமன்றத் தேர்தலில் பாஜகவுக்கு எட்டு இடங்கள் கிடைத்துள்ளன. எதிர்க்கட்சித் தலைவர் பதவிக்கு மூன்று MLA-க்கள் முன்னணியில் இருப்பதாகக் கூறப்படுகிறது. இருப்பினும், தேர்ந்தெடுக்கப்பட்ட MLA-க்கள் சந்திப்பதற்கான தேதி இன்னும் முடிவு செய்யப்படவில்லை. ஆதாரங்களின்படி, ராம்வீர் சிங் பிதுரி எதிர்க்கட்சித் தலைவராக நியமிக்கப்படுவார் என கூறப்படுகிறது.

பிதுரி தவிர, விஜேந்தர் குப்தா, மோகன் சிங் பிஷ்ட், ஓம்பிரகாஷ் சர்மா, அபய் வர்மா, ஜிதேந்திர மகாஜன், அனில் வாஜ்பாய், அஜய் மகாவர் ஆகியோர் தேர்தலில் வெற்றி பெற்றுள்ளனர். ஐந்தாவது முறையாக கரவல் நகரில் இருந்து தேர்தலில் வெற்றி பெற்ற பிஷ்தும், பதர்பூரில் இருந்து நான்காவது முறையாக சட்டமன்றத்தை அடைந்த பிதுரியும் இந்த பதவிக்கு வலுவான போட்டியாளர்களாக கருதப்படுகிறார்கள்.

முந்தைய சட்டமன்றத்தில் எதிர்க்கட்சித் தலைவராக நியமிக்கப்பட்ட மற்றொரு தலைவர் குப்தா மீண்டும் சட்டமன்றத் தேர்தலில் வெற்றி பெற்றுள்ளார்.

பிதுரி ஒரு அனுபவமிக்க அரசியல்வாதி. அவர் தனது அரசியல் பயணத்தை பாரதிய வித்யார்த்தி பரிஷத்துடன் தொடங்கினார். அவர் வெவ்வேறு அரசியல் கட்சிகளில் இருந்து வந்துள்ளார். முன்னதாக 1993-ல் சட்டமன்றத் தேர்தலில் ஜனதா தளம் சீட்டில் வெற்றி பெற்றார். ஜனதா தளம் சார்பில் சட்டமன்றத்திலும் காலடி எடுத்து வைத்தார். பின்னர் அவர் 2003-ல் தேசியவாத காங்கிரஸ் கட்சியில் (NCP) சேர்ந்தார். சிறந்த சட்டமன்ற உறுப்பினருக்கான விருதையும் பெற்றார்.

குர்ஜார் சமூகத்தைச் சேர்ந்த பிதுரி 2012-ல் பாஜகவில் சேர்ந்தார். 2013-ல் பாஜக சீட்டில் சட்டமன்றத்தை அடைந்தார். எனினும் 2015-ல் நடந்த தேர்தலில் தோல்வியடைந்த அவர், சமீபத்தில் நடைபெற்ற தேர்தலில் மீண்டும் MLA-வாக தேர்ந்தெடுக்கப்பட்டார்.