அரசு ஊழியர்களுக்கு இனி குஷி தான்... இன்று முதல் சம்பளத்தை அட்வான்ஸாக வாங்கலாம்!

Employees Advance Salary: தற்போது ராஜஸ்தான் முதலமைச்சர் அசோக் கெலாட் தலைமையிலான அரசு, அதன் ஊழியர்களிடம் மிகவும் கனிவாக இருப்பதாக தெரிகிறது. சமீபத்தில், ஊழியர்கள் மற்றும் ஓய்வூதியகாரர்களிந் அகவிலைப்படி மற்றும் பதவி உயர்வு குறித்த அறிவிப்பை வெளியிட்டிருந்தார்.ட

தற்போது மற்றொரு அற்புதமான பரிசை அரசு ஊழியர்களுக்கு வழங்கியுள்ளது. ராஜஸ்தான் மாநில அரசு ஊழியர்களும் தங்களது சம்பளத்தை முன்பணமாகப் பெற்றுக்கொள்ளலாம் என அறிவித்துள்ளது. ஜூன் 1ஆம் தேதி முதல் புதிய முறை அமலுக்கு வந்துள்ளது. நாட்டிலேயே முன்கூட்டிய சம்பள வசதி வழங்கும் முதல் மாநிலமாக ராஜஸ்தான் திகழ்வது சிறப்பானதாகும். இதுவரை நாட்டின் எந்த மாநிலத்திலும் இதுபோன்ற சம்பளத்தை முன்பணமாக வழங்கியதில்லை. 

மாநில அரசு ஊழியர்கள் மற்றும் அதிகாரிகள் தங்கள் சம்பளத்தில் பாதியை முன்கூட்டியே எடுக்க உரிமை உண்டு என தெரிவிக்கப்பட்டுள்ளது. ஒரே நேரத்தில் அதிகபட்சமாக 20 ஆயிரம் ரூபாய் செலுத்தப்படும் எனவும் தெரிவிக்கப்பட்டிருந்தது. இந்த முறை இன்று முதல் அமலுக்கு வருகிறது. இதற்காக வங்கி அல்லாத நிதி நிறுவனத்துடன் நிதித்துறை ஒப்பந்தம் செய்துள்ளது.

வரும் நாட்களில், வேறு சில நிதி நிறுவனங்களுடன் ஒப்பந்தம் செய்துகொள்ள, அதில் சில வங்கிகளையும் சேர்த்துக்கொள்ளவும் அரசு தயாராகி வருகிறது. ராஜஸ்தானில் சிறிது காலத்தில், சட்டப்பேரவை தேர்தல் நடைபெறப் போகிறது என்பதை நினைவில்கொள்ள வேண்டும். இதனால் அம்மாநில காங்கிரஸ் அரசு தினமும் ஏதாவது ஒரு நிவாரண அறிவிப்புகளை வெளியிட்டு வருகிறது.

மேலும் படிக்க | 7th Pay Commission மகிழ்ச்சி செய்தி: AICPI எண்களில் ஏற்றம், டிஏ அதிரடியாக அதிகரிக்கும்

வட்டி கட்ட வேண்டியதில்லை

அரசு ஊழியர் தனது சம்பளத்தை முன்பணமாகப் பெறுவதற்கு எந்த வட்டியும் செலுத்த வேண்டியதில்லை என்பதுதான் இதில் கூடுதல் சிறப்பு. நிதி நிறுவனம் பரிவர்த்தனை கட்டணங்களை மட்டுமே வசூலிக்கும். முன்பணமாக பாதி சம்பளம் பெறும் வசதியால் சிறு தொகையை சம்பளமாக வாங்கும் ஊழியர்கள் அதிக பயன் பெறுவார்கள் என எதிர்பார்க்கப்படுகிறது. இப்போது அவர்கள் தங்கள் தேவைகளைப் பூர்த்தி செய்ய அதிக வட்டிக்கு பணம் திரட்ட வேண்டியதில்லை.

காரணம் சொல்ல வேண்டியதில்லை, முன்பணமாக சம்பளம் வாங்குவதற்கு மாநில அரசு எந்த நிபந்தனையும் விதிக்கவில்லை. அவர் ஏன் முன்பணத்தை விரும்புகிறார் என்பதை ஊழியர் விளக்க வேண்டியதில்லை. IFMS போர்ட்டலில் சம்பளத்தை முன்கூட்டியே செலுத்துமாறு பணியாளர் கோர வேண்டும். இப்படிச் செய்வதன் மூலம், அடுத்த மாதச் சம்பள பில் உருவாகும்.

அட்வான்ஸ் தொகை அடுத்த மாத சம்பளத்தில் இருந்து பிடித்தம் செய்யப்படும். பகல் அல்லது இரவு, போர்ட்டலில் எப்போது வேண்டுமானாலும் முன்பணம் கோரலாம். ஒப்புதல் அளிக்கும் பொதுத்துறை நிறுவனங்களில் (பொதுத்துறை நிறுவனங்கள்) முன்பணம் வழங்கப்படும். 

மேலும் படிக்க | FD பணம் போடுவதை விட அதிக லாபத்தை கொடுக்கும் அரசு திட்டங்கள் - முழு விவரம்

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ