உலகப் பொருளாதாரங்களில் 4வது இடம் பிடித்து இந்தியா சாதனை! முதலிடம் எப்போது?

புதுடெல்லி: இந்தியாவின் மொத்த உள்நாட்டு உற்பத்தி: நாட்டின் பொருளாதாரம் முதன்முறையாக 4 டிரில்லியன் டாலர்களைக் கடந்தது, மூன்றாவது பெரிய பொருளாதாரத்திற்கு சற்று பின்தங்கியிருக்கிறது. இந்தியாவின் மொத்த உள்நாட்டு உற்பத்தி முதன்முறையாக 4 டிரில்லியன் டாலர்களை எட்டியுள்ளது. இந்தியப் பொருளாதாரத்திற்கு இது ஒரு முக்கியமான மைல்கல் ஆகும்.  2025ம் ஆண்டுக்குள் நாட்டின் பொருளாதாரத்தை 5 டிரில்லியன் டாலர்களாக உயர்த்த பிரதமர் நரேந்திர மோடி இலக்கு நிர்ணயித்துள்ளார்.

இந்தியப் பொருளாதாரத்திற்கு ஒரு நல்ல செய்தி வந்துள்ளது. இந்தியாவின் பொருளாதாரம் முதன்முறையாக 4 டிரில்லியன் டாலர்களைத் தாண்டியுள்ளது. இது இந்தியப் பொருளாதாரத்திற்கு (Economy) கிடைத்த மாபெரும் வெற்றியாகும். உண்மையில், 2025-ம் ஆண்டுக்குள் நாட்டின் பொருளாதாரத்தை 5 டிரில்லியன் டாலர்களுக்கு மேல் கொண்டு செல்ல இலக்கு நிர்ணயித்துள்ளார் பிரதமர் மோடி என்பதால், இந்த செய்தி மிகவும் முக்கியமானதாக பார்க்கப்படுகிறது.  

4 டிரில்லியன் டாலர்கள்
 
மகாராஷ்டிர துணை முதல்வர் தேவேந்திர ஃபட்னாவிஸ் எக்ஸ் வலைதளத்தில் ஒரு புகைப்படத்தை பகிர்ந்துள்ளார். நவம்பர் 18 காலை 10.25 மணியளவில் நாட்டின் மொத்த உள்நாட்டு உற்பத்தியின் அளவு 4 டிரில்லியன் டாலர்களை எட்டியிருப்பதை தெளிவாகக் காட்டும் அந்த பதிவின் மூலம் இந்தியாவின் பொருளாதாரம் தற்போது உலகின் 5வது பெரிய பொருளாதாரமாக மாறியுள்ளது.

மேலும் படிக்க | PM Kisan பயனாளிகளுக்கு ஜாக்பாட் செய்தி, விவசாயிகளின் கணக்கில் ரூ.6000

அமெரிக்கா 26.70 டிரில்லியன் டாலர்களுடன் முதலிடத்தில் உள்ளது. சீனா 19.24 டிரில்லியன் டாலர்களுடன் இரண்டாவது இடத்திலும், ஜப்பான் 4.39 டிரில்லியன் டாலர்களுடன் மூன்றாவது இடத்திலும், ஜெர்மனி 4.28 டிரில்லியன் டாலர்களுடன் நான்காவது இடத்திலும், இந்தியா 4 டிரில்லியன் டாலர்களுடன் ஐந்தாவது இடத்திலும் உள்ளன. ஜப்பானுக்கும் இந்தியாவுக்கும் இடையிலான இடைவெளி வெகுவாகக் குறைந்துள்ளது என்பது குறிப்பிடத்தக்கது.

இந்தியாவின் வளர்ச்சி விகிதத்தை அதிகரித்த IMF 
 
முன்னதாக, சர்வதேச நாணய நிதியம் (IMF)  இந்தியாவுக்கான 2023-24 GDP மதிப்பீட்டை 6.3% ஆக உயர்த்தியது, அதே நேரத்தில் சீனாவின் வளர்ச்சி விகிதத்தை 5% ஆகக் குறைத்தது. இந்தியாவின் வளர்ச்சி விகிதம் 2023 மற்றும் 2024 ஆகிய இரண்டிலும் 6.3% ஆக இருக்கும் என்று IMF தனது வருடாந்திர கணிப்பை World Economic Outlook இல் தெரிவித்துள்ளது. இது ஏப்ரல்-ஜூன் மாதங்களில் எதிர்பார்க்கப்படும் நுகர்வை விட அதிகமாக உள்ளது என்பது குறிப்பிடத்தக்கது.

இந்தியாவில் முதலீடு 

இந்தியாவில், ஏழ்மை குறைந்து நடுத்தர வர்க்க மக்களின் எண்ணிக்கை அதிகரித்து வருவதால் உள்நாட்டு தேவை மிகப் பெரிய அளவில் அதிகரித்து வருகிறது.எனவே, சர்வதேச முதலீட்டாளர்கள் இந்தியாவில் முதலீடு செய்ய அதிக ஆர்வம் காட்டுகின்றனர். வலுவான டிஜிட்டல் கட்டமைப்பும் இந்தியாவின் வளர்ச்சிக்கு முக்கிய அங்கமாக உள்ளது. வங்கி, காப்பீடு, சொத்து மேலாண்மை, சுகாதாரப் பாதுகாப்பு மற்றும் தகவல் தொழில்நுட்பம், மின்னணு சாதனங்கள் போன்ற துறைகளில் அதிக முதலீடு எதிர்பார்க்கப்படுகிறது.

மேலும் படிக்க | Cyber Security: இணைய பாதுகாப்பை வலுப்படுத்தவும்! வங்கிகளுக்கு கிளாஸ் எடுக்கும் நிதியமைச்சகம்

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ