सलीम खान एका व्हिडीओत सांगतात की, सलमान सहज एका नात्यात अडकतो पण तो लग्न करण्याची हिम्मत करत नाही.
सलीम यांनी सांगितलं की, सलमान लग्न करण्यासाठी टाळाटाळ करतो. कारण त्याला भीती वाटते की, समोरच्या व्यक्तीमध्ये ते गुण आणि क्षमता नसतील ज्या त्याच्या आईमध्ये नसतील.
सलीम खान यांनी सांगितल्यानुसार, सलमान खानला मॅरेज फोबिया आहे. ज्यामुळे तो आतापर्यंत अविवाहित आहे. जाणून घेऊया मॅरेज फोबिया ज्याला 'गामोफोबिया' देखील म्हटलं जातं.
भविष्याचा विचार करुन पळ काढणे, वचनबद्धतेची भीती, कॅज्युअल रिलेशनशिपमध्ये राहणे, नात्यात अडकल्यावर इंटिमेसीची कमतरता, नातं तुटण्याची भीती
गामोफोबियाचे रुग्ण नात्यात अडकतात. एवढंच नव्हे तर इमोशनल बाँडिंग देखील असते. पण कोणत्याही नात्याला शेवटपर्यंत पोहोचवण्याचा विचार करत नाही. नातं अर्धवटच सोडून देतात.
गामोफोबियाचे लोक फक्त नात्यातच नाही तर कामाबद्दलही विश्वास निर्माण करण्यास अडचण निर्माण होते. त्यांना असं वाटतं की, आपण कोणाच्या अपेक्षा पूर्ण करू शकत नाही. ते भविष्याचा विचार करणेच बंद करतात.
गामोफोबियाचे लोकं कायमच अविवाहित राहतात असं नाही. या भीतीबाबत माहिती मिळाली तर कॉग्निटिव बिहेविअर थेरेपीच्या मदतीने यावर नियंत्रण मिळवता येते.