POCO स्मार्टफोनचा बॉम्बसारखा मोठ्ठा स्फोट; फोटो पाहून युजर्समध्ये भीती

 

नवी दिल्ली : या वर्षी अनेक ठिकाणी स्मार्टफोनमध्ये स्फोट झाल्याच्या बातम्या येत आहेत. शिपिंग दरम्यान Vivo फोनला आग लागल्याची घटना असो किंवा OnePlus Nord 2 चा एखाद्याच्या खिशात स्फोट होण्याची घटना असो. अशीच एक घटना 27 नोव्हेंबर रोजी घडली जेव्हा POCO M3 ला आग लागली आणि स्फोट झाला. ही घटना सोशलमीडिया वापरकर्ते महेश (@mahesh08716488) याने ट्विटरवर शेअर केली आहे.

ट्विट डिलीट होण्यापूर्वीच हा फोटो व्हायरल 
डिलीट केलेल्या ट्विटमध्ये युजरने घटना, घटना कशामुळे आणि आग कशी लागली याबद्दल काहीही दिलेले नाही. POCO ने ही समस्या मान्य केली आणि ट्विटला प्रत्युत्तर दिले की ग्राहकांची सुरक्षा खूप महत्वाची आहे आणि ती अशा बाबी गांभीर्याने घेते.

महेशने जळालेल्या POCO M3 चा एक फोटो शेअर केला आहे. ज्यामध्ये फोनच्या मागील बाजूचा आणि खालचा भाग पूर्णपणे जळालेला दिसतो. या घटनेत कोणतीही जीवितहानी किंवा दुखापत झाल्याचे वृत्त नाही.

POCO ने दिले हे उत्तर
या घटनेबाबत Poco शी संपर्क साधणाऱ्या 91mobiles नुसार, POCO ने म्हटले आहे की, ''POCO India मध्ये ग्राहकांची सुरक्षितता अत्यंत महत्वाची आहे आणि आम्ही अशा बाबी अतिशय गांभीर्याने घेतो.

या टप्प्यावर, आमची टीम कारण शोधण्यासाठी प्रकरणाचा तपास करत आहे. आणि प्रकरण लवकरात लवकर सोडवले जाईल याची खात्री करतो. डिव्हाइसच्या गुणवत्तेशी कोणत्याही स्तरावर तडजोड होणार नाही याची खात्री करण्यासाठी आमची सर्व उपकरणे विविध स्तरांच्या कडक गुणवत्ता चाचण्यांमधून जातात."

यापूर्वीही घडली घटना  
या वर्षी भारतात POCO फोन पेटण्याची ही पहिलीच वेळ नाही. कारण सप्टेंबरमध्ये POCO X3 सोबत अशीच घटना घडली होती. 

या वारंवार घडणाऱ्या घटनांमुळे भारतीय उपखंडात पुरवल्या जाणाऱ्या या उपकरणांची गुणवत्ता आणि सुरक्षा तपासणी मानकांवर प्रश्नचिन्ह निर्माण होते.