Vivo ची धमाकेदार दिवाळी ऑफर, 101 रुपयांमध्ये मिळवा जबरदस्त स्मार्टफोन

मुंबई : दिवाळी सध्या तोंडावर आली आहे, लोकांच्या खरेदीचे प्लॅनींग सुरू आहे. अशावेळी लोकं नवीन कपडे, इलेक्ट्रॉनिक वस्तू, नवीन मोबाईल फोन असं सगळं विकत घेतात. ज्यामुळे अनेक ई-कॉमर्स वेबसाइट्सवर दिवाळी सेल देखील लावले जाता. जिथे सर्वात महाग उत्पादनेही स्वस्त मिळतात. अनेक आघाडीच्या स्मार्टफोन कंपन्यांनीही त्यांच्या फोनवर मोठ्या प्रमाणात सूट दिली आहे. आता Vivo ने सणासुदीच्या काळात एक धमाकेदार ऑफर आणली आहे, ज्यामुळे तुम्ही Vivo चा स्मार्टफोन फक्त 101 रुपयांमध्ये खरेदी करू शकता.

Vivo X70 मालिका, Vivo V21 रेंज, Vivo Y73 आणि Vivo Y33s स्मार्टफोन अनेक ऑफर्ससह तुम्हाला उपलब्ध आहे. या ऑफर ऑनलाइन आणि ऑफलाइन चॅनेलवर लागू आहेत आणि ते 7 नोव्हेंबरपर्यंत वैध असतील. Vivo ने बजाज फायनान्ससोबत भागीदारी केली आहे, जेणेकरून ग्राहक हा फोन फक्त 101 रुपयांना खरेदी करू शकतील.

फोन खरेदी केल्यावर हे फायदे मिळतील

अतिरिक्त ऑफरमध्ये निवडक बँक कार्ड्सवर 10 टक्के कॅशबॅक आणि विशिष्ट Vivo स्मार्टफोनसाठी एक वेळ स्क्रीन रिप्लेसमेंट समाविष्ट आहे. Vivo ने 10,000 रुपयांचे फायदे देण्यासाठी Jio सोबत भागीदारी केली आहे.

जर तुम्ही Vivo X70 मालिका खरेदी करण्याचा विचार करत असाल, तर त्यावर 10 टक्के सूट मिळेल. खरेदीदारांना एक-वेळ स्क्रीन रिप्लेसमेंट, Zest Money EMI कडून एक वर्षाची विस्तारित वॉरंटी आणि Jio कडून 10 हजार रुपये असे फायदे देखील मिळतील.

बजाज फायनान्सद्वारे तुम्ही 15 हजारांहून अधिक किमतीचा स्मार्टफोन फक्त 101 मध्ये खरेदी करू शकता. Vivo फायनान्स पार्टनर्ससोबत अतिरिक्त, नो-कॉस्ट EMI पर्याय देखील उपलब्ध असतील.

तुम्हाला 2,500 रुपयांपर्यंत कॅशबॅक मिळेल

Vivo Y73 आणि Vivo Y33s खरेदी करण्यासाठी, तुम्ही ICICI बँक, कोटक महिंद्रा बँक, IDFC फर्स्ट बँक आणि HDB फायनान्स कार्डने पैसे भरल्यास, तुम्हाला रु. 2,500 पर्यंतचा कॅशबॅक मिळेल. वन-टाइम स्क्रीन रिप्लेसमेंट, एक वर्षाची विस्तारित वॉरंटी, जिओ फायदे, बजाज फायनान्सकडून 101 रुपयांची ऑफर आणि या Y-सिरीज फोनवर विनाखर्च EMI पर्याय देखील उपलब्ध आहेत.

Vivo V21 ची किंमत सध्या 29,990 रुपयांपासून सुरू होते, तर Vivo V21e ची किंमत 24,990 रुपयांपासून सुरू होते. Vivo Y73 ची किंमत 20,990 रुपये आहे. Vivo Y33s ची किंमत 18,990 रुपये आहे.