)
नवी दिल्ली : दक्षिण आफ्रिकेच्या दौऱ्यात आफ्रिकन टीमला पराभूत करत टीम इंडियाने दोन सीरिज आपल्या नावावर केल्या आहेत. मात्र, या सीरिजमध्ये टीम इंडियाच्या रोहित शर्माला चांगली कामगिरी करण्यात अपयश आल्याचं दिसत आहे.
वन-डे मध्ये तीन-तीन डबल सेंच्युरी करणाऱ्या रोहित शर्माला टीम इंडियात जागा देण्यात आली. मात्र, ३ मॅचेसची टेस्ट सीरिज रोहित शर्मासाठी वाईट स्वप्न ठरलं आहे.
टेस्ट सीरिजमध्ये रोहितने ४ इनिंग्स खेळत केवळ ७८ रन्स केले. रोहित शर्मा पेक्षा जास्त रन्स भुवनेश्वर कुमारने केले. भुवनेश्वर कुमारने ४ इनिंग्समध्ये १०१ रन्स केले.
टेस्टनंतर वन-डे सीरिजचं बोलायचं झालं तर, वन-डे आणि टी-२० मध्येही रोहित शर्मा फ्लॉप ठरला. केवळ एका वन-डे मॅचमध्ये रोहितने चांगली इनिंग खेळली. आफ्रिकेच्या या दौऱ्यात दोन बॉलर्सने रोहितला चांगलचं त्रस्त केलं आणि त्यामुळे रोहित शर्मा फ्लॉप ठरला.
WICKET | The plan for the Proteas works as Dhawan (34) pulls and is caught by Phehlukwayo at bacjward square leg. India 48/1 #SAvIND #MomentumODI pic.twitter.com/hrKamS5ZPP
— Cricket South Africa (@OfficialCSA) February 13, 2018
आफ्रिकेच्या मैदानात रोहित शर्माला टेस्ट आणि वन-डे सीरिजमध्ये फास्ट बॉलर रबाडाने भेदक गोलंदाजीच्या जोरावर रोहितला रोखलं. तर, टी-२० सीरिजमध्ये ज्युनिअर डाला या नव्या बॉलरने रोहितला रोखलं. टेस्ट मॅचेसच्या ४ इनिंग्समध्ये ३ वेळा रोहित शर्माला रबाडाने आऊट केलं तर एकदा वेर्नोन फिलेंडरने आऊट केलं.
वन-डे इनिंग्समध्ये रोहितला रबाडाने आपल्या बॉलिंगने गोंधळात टाकलं. ६ मॅचेसमध्ये ३ वेळा रबाडाने रोहितची विकेट घेतली. दोन वेळा एंगिडीने तर एकदा मोर्कलने विकेट घेतली.
WICKET | Dala gets the first wicket and it's that of Rohit Sharma (11) who is trapped leg before. India 14/1 #KFCT20 #SAvIND #ProteaFire pic.twitter.com/jlJ8SxCDkq
— Cricket South Africa (@OfficialCSA) February 24, 2018
टी-२० मध्येही रोहित शर्माचा फॉर्म परत आला नाही. ३ मॅचेसच्या सीरिजमध्ये रोहितला तिन्ही वेळा ज्युनिअर डालाने आऊट केलं. रोहितने ३ मॅचेसमध्ये केवळ ३२ रन्स केले.
Newsletter