नवी दिल्ली : भारतात कोरोना व्हायरसचा धोका वाढत चालला आहे. हा धोका कमी करण्यासाठी सरकार प्रयत्न करत आहे. पंतप्रधान मोदींनी गुरुवारी भारतातील नागरिकांना संबोधित करत असताना रविवारी जनता कर्फ्यूचं आवाहन केलं होतं. 22 मार्चला संपूर्ण देशात जनता कर्फ्यू असणार आहे. फक्त भारतीयच नाही तर विदेशातील व्यक्ती देखील याच्या समर्थनात आले आहेत. इंग्लंडचा माजी क्रिकेटर केविन पीटरसन याने देखील भारतीयांना संदेश दिला आहे. जो सध्या चर्चेचा विषय ठरत आहे. क्रिकेट फॅन्सकडून देखील पीटरसनच्या या आवाहनाचं स्वागत होत आहे. पीटरसनला वाटतंय की भारताच्या लोकांनी सुरक्षित राहावं.
Namaste india hum sab corona virus ko harane mein ek saath hai , hum sab apne apne sarkar ki baat ka nirdes kare aur ghar me kuch Dino ke liye rahe , yeh samay hai hosiyaar rahene ka .App sabhi ko der sara pyaar
— Kevin Pietersen (@KP24) March 20, 2020
My Hindi teacher - @shreevats1
केविन पीटरसन (Kevin Pietersen) ने हिंदीमध्ये ट्विट करत भारतीय जनतेला आवाहन केलं आहे. पीटरसनने म्हटलं की, "नमस्ते इंडिया, आपण सगळे कोरोना व्हायरसला हरवण्यासाठी एकत्र आहोत. आपण सगळ्यांना आपल्या सरकारच्या आवाहनाचं पालन केलं पाहिजे. घरात काही दिवस राहिलं पाहिजे. ही वेळ सतर्क राहण्याची आहे. तुमच्या सर्वांना खूप प्रेम. माझे हिंदी टीचर श्रीवत्स गोस्वामी आहेत."
पीटरसनच्या या ट्विटला पंतप्रधान मोदींनी देखील उत्तर दिलं आहे. त्यांनी म्हटलं की, 'विस्फोटक बॅट्समन ज्याने टीमला संकटात पाहिलं आहे. त्यांच्याकडे आम्हाला सांगण्यासाठी काही आहे. कोविड 19 च्या विरोधात आपण एकत्र येत लढाई लढूया.'
Explosive batsmen who've seen teams through crises have something to say to us.
— Narendra Modi (@narendramodi) March 20, 2020
We too will come together to fight COVID-19. #IndiaFightsCoronahttps://t.co/vSZCibHvzzhttps://t.co/XPXNhJ0Rlxhttps://t.co/0a7JcT4IVVhttps://t.co/wEIFA6ZehQhttps://t.co/e63GDehTOg
पीटरसनने यानंतर पुन्हा ट्विट करत म्हटलं की, "धन्यवाद मोदी जी, तुमचं नेतृत्व ही खूप विस्फोटक आहे." मोदी यांनी आपल्या या ट्विटमध्ये विराट कोहली, शिखर धवन, अजिक्य रहाणे आणि सुरेशा रैना यांना टॅग केलं आहे. संदेश स्पष्ट आहे की, सगळे मिळून कोरोनाच्या विरोधात लढायचं आहे.