)
मुंबई : आयपीएल 2021 अद्याप सुरूही झालेली नाही, परंतु या भारतीय गोलंदाजाने त्याचा गेम प्लॅन जाहीर केला आहे. त्याने म्हटले आहे की, आयपीएलच्या 14 व्या सत्रात आरसीबीचा कर्णधार विराट कोहलीची विकेट त्याच्या निशाण्यावर असेल. स्वत: के.एल. राहुल यांच्या नेतृत्वात खेळणाऱ्या किंग्ज इलेव्हन पंजाबमधील या युवा गोलंदाजाने किंग कोहली विरूद्ध खेळण्याची घोषणा केली आहे.
आता तुम्ही विचार कराल विराट कोहलीला नक्की आव्हान दिले तरी कोणी? परंतु ज्याने विराट कोहलीला आव्हान केलं आहे, त्याच्यात काही तरी गोष्ट नक्कीच असेल. या खेळाडूच्या नावावर 2018 चा अंडर 19 वर्ल्ड कप किताब नोंदवला गेला आहे. त्याचे नाव आहे ईशान पोरेल. जेव्हा भारतीय अंडर 19 टीम चौथ्यांदा विश्वविजेतेपदावर आली, तेव्हा हा गोलंदाज त्या संघाचा एक भाग होता.
शिवाय, 2021-21 मध्ये तो भारताच्या ऑस्ट्रेलिया दौर्‍यावरही होता. बीसीसीआयने मुख्य गोलंदाज म्हणून नव्हे, तर निव्वळ गोलंदाज म्हणून या दौऱ्यासाठी निवडलेल्या 4 गोलंदाजांमध्ये त्याचे नाव होते. पण दुर्दैवाने हॅमस्ट्रिंगच्या दुखापतीमुळे तो भारतात परत आला.
आयपीएल 2021 मध्ये जेव्हा 22 वर्षीय वेगवान गोलंदाजाला जेव्हा IPL 2021मधील त्याच्या ड्रीम विकेट बद्दल विचारले गेले, तेव्हा त्याने फक्त एक नाव घेतले ते म्हणजे विराट कोहली. पोरेल म्हणाला की, "विराटची विकेट घेण्याचे माझे स्वप्न आहे. कारण मी त्याला नेहमीच भारतीय टीमला जिंकवताना पाहत मोठा झालो आहे. मला विराट कोहलीचा विकेट हवी आहे, कारण तो क्रिकेटच्या तिन्ही फॉर्मेटमध्ये सर्वोत्कृष्ट फलंदाज आहे."
देशांतर्गत बंगालसोबत क्रिकेट खेळलेल्या ईशान पोरेल यांने ऑस्ट्रेलियामधून परतल्यानंतर बंगळुरूच्या नॅशनल क्रिकेट Academy मध्ये कम बॅक केले. फिट होऊन त्याने विजय हजारे ट्रॉफीमध्ये आणि त्यापूर्वी सय्यद मुश्ताक अली ट्रॉफीमध्येही भाग घेतला होता. सय्यद मुश्ताक अलीच्या 5 सामन्यात ईशान पोरेलने 13 बळी घेतले.
ईशान म्हणाला, "मी विराट कोहली, रोहित शर्मा विरुद्ध नेटवर अनेकदा गोलंदाजी केली आहे. मी जेव्हा ऑस्ट्रेलियात दहा दिवस होतो, तेव्हा तिथेही मी विराट समोर अनेकदा गोलंदाजी केली. मला तेव्हा खूप काही शिकायला मिळालं होतं. जेव्हा तुम्ही इतक्या मोठा बॅट्समॅन समोर गोलंदाजी करता तेव्हा खूप काही शिकता." पोरेलच्या म्हणण्यानुसार तो आता आयपीएल 2021 मध्ये त्याच गोष्टीचा फायदा घेण्याच्या विचारात आहे.
Newsletter