सुरेश रैनाच्या पत्नीसाठी गौतम गंभीरचा खास मेसेज

नवी दिल्ली : टीम इंडियाचा फलंदाज गौतम गंभीरने सोशल मीडियात चांगलाच अ‍ॅक्टीव्ह आहे. त्याने नुकताच क्रिकेटर सुरेश रैनाची पत्नी प्रियंका रैनासाठी एक खास मेसेज शेअर केलाय. 

कशासाठी दिला मेसेज?

सोशल मीडियाच्या माध्यमातून गंभीरने प्रिय़ंकाला शुभेच्छा दिल्या आहेत. तो म्हणाला की, ती समाजातील महिलांसाठी चांगलं काम करेल. गंभीर स्वत: शुभेच्छा दिल्यानंतर त्याने लोकांनाही प्रियंकाला शुभेच्छा देण्याचे आवाहन केले. प्रियंका रेडिओवर एक शो करणार आहे. या शोच्या माध्यमातून ती समाजातील महिलांच्या चांगल्यासाठी जागरूकता निर्माण करणार आहे. 

 

Another great episode in the making. Always great to be back at @redfmindia @grfcare stay tuned for more updates! We got lots more in store for you  #redfm #bajateraho

A post shared by Priyanka Chaudhary Raina (@priyankacraina) on Dec 11, 2017 at 12:58am PST

गंभीरने काय केले ट्विट?

गंभीरने सोमवारी ट्विट केले. यात त्याने लिहिले की, ‘महिला होणं सोपं नाहीये, तेही तेव्हा जेव्हा तुमच्यासमोर खूप सा-या अडचणी असतात. एक रैना ही बाब सिद्ध करण्यासाठी समोर आली आहे. तुम्ही लोकही माझ्यासोबत प्रियंका रैनाला तिच्या ‘द प्रियंका रैना शो’ साठी शुभेच्छा द्याव्यात. हा शो रेड एफएमवर शनिवारी ९ ते ११ आणि रविवारी २ ते ४ दरम्यान येईल’.

Not easy to be a woman when they face frequent hardships. A Raina — not @ImRaina — is out to set it right. Join me in wishing Priyanka Raina for her show ‘The Priyanka Raina Show’ on Red FM every Saturday 9-11 AM,Sunday 2-4 PM #LetsCheerForBitiyaRani @_priyankacraina @RedFMIndia

— Gautam Gambhir (@GautamGambhir) January 8, 2018

सुरेश रैनाचा रिप्लाय

गंभीरच्या शुभेच्छांवर सुरेश रैनाने रिप्लाय दिलाय. त्याने लिहिले की, ‘गंभीर, धन्यवाद! तू सुद्धा गौतम गंभीर फाऊंडेशनच्या माध्यमातून मुलींच्या शिक्षणासंबंधी शानदार काम करत आहेस. तुझ्या या कामासाठी तूझा अभिमान वाटतो’.