)
Aries Monthly Horoscope April 2024 in Marathi : एप्रिल महिन्यात अनेक ग्रह आपली स्थिती बदलणार आहे. ग्रहांच्या या स्थितीबदलामुळे मेष राशीच्या आयुष्यात, करिअर, नातेसंबंध यावर काय परिणाम होणार याबद्दल टॅरो कार्ड तज्ज्ञ डॉ. कविता ओझा यांनी सांगितलंय.
टॅरो कार्ड तज्ज्ञ डॉ. कविता ओझा म्हणाल्यात की, एप्रिल महिना हा मेष राशीच्या लोकांसाठी आव्हानात्मक असणार आहे. हा महिन्या तुमच्यासाठी धानीमनी नसताना आणि अनपेक्षित बदलाचा ठरणार आहे. एप्रिल महिन्यातील ही स्थिती तुमच्यासाठी थोडी आव्हानात्मक असणार आहे. एखाद्या गोष्टीमुळे तुमच लक्ष विचलित होणं आणि गोंधळ उडू शकतो. नातेसंबंधाबद्दल कठोर आणि महत्त्वाचा निर्णय घ्यावा लागणार आहे. जो तुमच्यासाठी दुखवणारा असणार आहे. भावनिकदृष्ट्या तुम्ही अस्वस्थ होऊ शकता.
तुम्हाला करिअरमध्ये नवीन संधी मिळू शकते, नवीन प्रकल्प किंवा नवीन नोकरी किंवा प्रमोशन होण्याची शक्यता आहे. मात्र अति आत्मविश्वासी होऊ नका. तुमच्या कामाच्या ठिकाणी तुमचं कौतुक होणार आहे. पण दुसरीकडे कामाच्या ठिकाणी तुमच्याबद्दल कटकारस्थान रचलं जाऊ शकतं. तुमचे वरिष्ठ आणि सहकारी तुमच्यावर नाराज होऊ शकता.
आरोग्याबद्दल बोलायचं झालं तर आरोग्याबद्दल जागृत राहा. तुमच्या आहाराबद्दल लक्ष द्या आणि तुमच्या लाइफस्टाइलवर फोकस करा. त्याशिवाय तुम्हाला या महिन्यात दुखापतही होऊ शकते. त्यामुळे काळजीपूर्वक वाहन चालवा.
एप्रिल महिन्यात तुम्ही जास्त आक्रमक होऊ शकता. त्याशिवाय तुम्ही जास्त जास्त वादविवाद आणि भांडणंही करु शकता. तुमच्या इगोला नियंत्रणात ठेवा. एप्रिल महिन्यात स्पष्ट भूमिका ठेवणं गरजेच आहे. मग ती तुमचं पर्सनल लाइफ असो किंवा प्रोफेशन लाइफ असो. त्याशिवाय आर्थिक व्यवहार असो किंवा तुमची प्रकृती असो तुम्ही जागृत राहा. परिस्थितीला समजून घ्या, शांत राहा आणि कुठल्याही वादात अडकू नका.
या गोष्टी लक्षात ठेवल्यास एप्रिल महिन्यातील अडथळे तुम्ही सहज पार करु शकला. निसर्गाच्या सान्निध्यात राहा आणि ध्यान करा. ज्यामुळे तुम्हाला स्थिरता मिळेल. त्याशिवाय भगवान हनुमाजीची पूजा करा.
(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)
Newsletter