राज्यातील 'या' मतदारसंघात 4822 विद्यार्थ्यांना मिळाल्या मोफत सायकल! कारण जाणून कराल कौतुक

कर्जत-जामखेडचे आमदार रोहित पवार यांनी आपल्या मतदारसंघांमधील शालेय विद्यार्थ्यांना सायकल वाटप कार्यक्रम सुरु केला आहे. यासंदर्भातील फोटो रोहित पवार यांनीच शेअर केले आहेत. (सर्व फोटो - Twitter/RRPSpeaks वरुन साभार)

रोहित पवार यांच्याकडून विशेष कारणासाठी या विद्यार्थ्यांना सायकल वाटप केलं जात आहे. रोहित पवार यांनी दिलेल्या माहितीनुसार, पहिल्या टप्प्यात आतापर्यंत कर्जत तालुक्यातील 16 शाळांमधील 1260 विद्यार्थ्यांना सायकल वाटप करण्यात आलं आहे.

तर जामखेड तालुक्यात 47 शाळांमधील 3562 विद्यार्थ्यांसाठी शाळेत जाऊन सायकल देण्यात आल्याचंही रोहित पवार यांनी म्हटलं आहे.

आता या इतक्या म्हणजेच 4822 सायकलींचं वाटप करण्यामागील कारण म्हणजे हे विद्यार्थी शाळेत येण्यासाठी 3 किमीहून अधिकचा प्रवास करतात. या विद्यार्थ्यांचा प्रवास सुखकर व्हावा म्हणून या साकलींचं वाटप केलं जात आहे.

कर्जत-जामखेड मतदारसंघात शाळेपासून ३ कि.मी. पेक्षा अधिक लांब राहणाऱ्या विद्यार्थ्यांसाठी सायकल देण्याचा उपक्रम वेगात सुरू आहे, असा उल्लेख रोहित यांच्या पोस्टमध्ये आहे.

अशी सायकल मिळालेल्या तृपी थेटे नावाच्या 8 वीच्या विद्यार्थीने रोहित पवारांना पत्र पाठवलं आहे. हे पत्रही रोहित पवार यांनी शेअर केलं आहे. "तृप्तीसारख्या हजारो विद्यार्थ्यांच्या चेहऱ्यावरचा आनंद अनुभवणं यांच्यासारखं दुसरं समाधान नाही. हे आनंदाचे आणि समाधानाचे क्षण अनुभवण्याची संधी दिल्याबद्दल खरं म्हणणे मीच या मुलांचे आभार मानायला हवेत!" असं रोहित पवार म्हणाले.