ket : सर्वांना भारत आणि पाकिस्तान यांच्यातील सामन्याची प्रतिक्षा आहे. अशातच आता त्यापूर्वी...
पाकिस्तानची सध्याची परिस्थिती पाहता बाबर अँड कंपनी सुपर-8 मध्ये देखील पोहोचेल का? अशी शंका उपस्थित केली जात आहे.
मात्र, पाकिस्तान क्रिकेट बोर्डाला मात्र आपल्या खेळाडूंवर भलताच विश्वास आहे. पाकिस्तानला गेल्या 4 महिन्यात सतत पराभवाला सामोरं जावं लागतंय.
अशातच आता माजी ऑस्ट्रेलियन खेळाडू रिकी पाँटिंग याने पाकिस्तानच्या आगामी सुपरस्टार खेळाडूवर भविष्यवाणी केलीये.
पाकिस्तानचा सॅम अयुब हा एक फलंदाज आहे जो यावेळी आपल्या खेळाने जागतिक क्रिकेटला चकित करू शकतो, असं पाँटिंगने म्हटलंय.
मी काही पीएसएल सामने पाहिले आणि मला वाटतं की सॅम अयुब एक महान खेळाडू आहे, तो भविष्यात पाकिस्तानसाठी एक स्टार असेल, असं पाँटिंगने म्हटलं आहे.
यंदाच्या टी-ट्वेंटी वर्ल्ड कपमध्ये शाहीन आफ्रिदी, बाबर आझम आणि मोहम्मद रिझवान यावेळी पाकिस्तानसाठी चांगली कामगिरी करतील, असा विश्वास देखील रिकीला आहे.
दरम्यान, यंदाच्या वर्ल्ड कपमध्ये युएसएविरुद्ध पाकिस्तान सलामीचा सामना खेळणार आहे. तर 9 जून रोजी भारतासोबत पाकिस्तानला दोन हात करावे लागतील.