ral Vista: पंतप्रधान नरेंद्र मोदींनी आज दुपारच्या सुमारास अचानक निर्माणाधीन असलेल्या नवीन संसदेच्या इमारतीला भेट दिली. या भेटीदरम्यान न...
पंतप्रधान नरेंद्र मोदींनी आज अचानक दिल्ली येथे बांधकाम सुरु असलेल्या सेंट्रल विस्ता या नव्या संसदेच्या इमारतीला भेट दिली.
यावेळेस पंतप्रधान मोदींबरोबर लोकसभेचे अध्यक्ष ओम बिर्ला देखील होते. अन्य अधिकारी आणि या इमारतीचे बांधकाम करणारे कर्मचारीही यावेळेस उपस्थित होते.
पंतप्रधान मोदींनी कोणतीही पूर्वसूचना न देता अचानक या ठिकाणाला भेट दिली आणि येथील सोयी सुविधा आणि कामाची पहाणी केली.
मोदींनी जवळजवळ एक तास या नव्या संसदेमधील लोकसभा आणि राज्यसभेच्या सभागृहाची पहाणी केल्याची माहिती सुत्रांनी दिली.
नवी सभागृहं ही आताच्या सभागृहांपेक्षा मोठी असतील. लोकसभेची आसन क्षमता 770 असेल तर राज्यसभेची 384 इतकी असेल.
मोदींनी यावेळेस या नव्या इमारतीत केलेली कलाकुसरही पाहिली.
यावेळेस मोदींनी ही इमारत उभारण्यासाठी काम करणाऱ्या कर्मचाऱ्यांचीही भेट घेतली.
सेंट्रल विस्ता हा पंतप्रधान मोदींचा ड्रीम प्रोजेक्ट आहे. नवीन संसद हा याच प्रोजेक्टचा भाग आहे.
सध्या नवी दिल्लीमधील 3 किलोमीटरच्या राजपथ, राष्ट्रपती भनवापासून ते इंडिया गेटपर्यंतच्या भागाचं नुतनीकरण करुन या ठिकाणी नवीन कार्यालये उभारण्यात येणार आहेत.
पंतप्रधान निवासाबरोबर उपराष्ट्रपतींचं निवासस्थानही याच प्रकल्पामध्ये नव्याने उभारण्यात येणार आहे. हा प्रकल्पाचं काम टाटा प्रोजेक्टस लिमिटेडला देण्यात आलं आहे.