India: या सेगमेंटमध्ये मारुती अर्टिगा आणि टोयोटा इनोव्हा यांचा दबदबा होता. पण 27 महिन्यांपूर्वी एका कारने भारतीय बाजारपेठेत प्...
भारतीय बाजारपेठेत नेहमीच जास्त स्पेस आणि सीट्स असणाऱ्या गाड्यांची मागणी असते. यासाठी एमपीव्ही कारना जास्त पसंती दिली जाते.
या सेगमेंटमध्ये मारुती अर्टिगा आणि टोयोटा इनोव्हा यांचा दबदबा होता. पण 27 महिन्यांपूर्वी एका कारने भारतीय बाजारपेठेत प्रवेश केला आणि आपलं वेगळं स्थान निर्माण केलं.
Kia Carens ने आपला आकर्षक लूक आणि दमदार फिचर्सने एक वेगळा रेकॉर्ड केला आहे.
किआ इंडियाने दिलेल्या माहितीनुसार, आतापर्यंत या कारच्या 1.5 लाखांपेक्षा अधिक युनिट्सची विक्री झाली आहे. जी या कारचं यश दर्शवते.
फेब्रुवारी 2022 मध्ये कंपनीने Kia Carens ला सर्वात प्रथम भारतीय बाजारपेठेत लाँच केलं होतं. ही कार 6 आणि 7 सीटर अशा दोन्हीत उपलब्ध आहे.
पेट्रोल आणि इंजिन अशा दोन्ही पर्यायात उपलब्ध असणाऱ्या या कारची किंमत 10.52 लाखांपासून सुरु होते आणि 19.67 लाखांपर्यंत जाते.
जवळपास अर्ध्यापेक्षा जास्त ग्राहकांनी Kia Carens च्या हायर आणि मिड लेव्हल व्हेरियंटला निवडलं असल्याचं कंपनीचं म्हणणं आहे. यामध्ये सनरुफ, वेंटिलेटेड सीट्ससारखे फिचर्स मिळतात.
तसंच 57 टक्के ग्राहकांनी पेट्रोल व्हेरियंट निवडलं असून, उर्वरित 43 टक्के लोकांनी ड़िझेल व्हेरियंट खरेदी केलं आहे.
ही कार 6 स्पीड मॅन्यूअल, 6 स्पीड iMT आणि 7 स्पीड ड्युअल क्लच ऑटोमॅटिक ट्रान्समिशनसह येते. जवळपास 62 टक्के ग्राहकांनी मॅन्यूअल व्हेरियंटची निवड केली आहे.