इटलीमध्ये G-7 देशांची बैठक होणार आहे. ही बैठक 13 ते 15 जून दरम्यान होणार असून त्यामध्ये रशिया युक्रेन युद्धावर...
तिसऱ्यांदा शपथ पंतप्रधानपदाची घेतल्यानंतर नरेंद्र मोदी पहिल्यांदाच विदेश दौऱ्यावर निघाले आहेत. तिथं ते जी-7 शिखर परिषदेत भाग घेणार आहे.
अशातच आता याच जी-7 शिखर परिषदेसाठी अनेक नेते आणि सात देशांचे प्रमुख इटलीला पोहोचले आहेत. यामध्ये अमेरिकेचे अध्यक्ष जो बिडेन यांचा देखील समावेश आहे.
युरोपियन परिषदेचे अध्यक्ष चार्ल्स मिशेल, जर्मन चांसलर ओलाफ स्कोल्झ, कॅनडाचे पंतप्रधान जस्टिन ट्रूडो देखील याचं स्वागत इटलीच्या पंतप्रधान जॉर्जिया मेलोनी यांनी केलं.
त्याचबरोबर फ्रान्सचे अध्यक्ष इमॅन्युएल मॅक्रॉन, जपानचे पंतप्रधान फुमियो किशिदा आणि ब्रिटिश पंतप्रधान ऋषी सुनक यांनी देखील उपस्थिती लावली आहे.
अशातच आता भारताचे पंतप्रधान नरेंद्र मोदी देखील इटलीकडे रवाना झाले आहेत. अशातच इटलीचे पंतप्रधान मेलोनी यांच्यावर भारताची छाप दिसून आली.
इटलीचे पंतप्रधान जॉर्जिया मेलोनी यांनी पाहुण्यांचे वेगळ्या पद्धतीने स्वागत केलं. त्यावेळी मेलोनी यांनी हात जोडून भारतीय पद्धतीने स्वागत केलं.
दरम्यान, पंतप्रधान जॉर्जिया मेलोनी यांच्यात भारतीय परंपरेची छाप दिसून आल्याने सोशल मीडियावर त्यांचं कौतूक होतंय. त्याचे व्हिडीओ देखील व्हायरल होताना दिसतोय.