International Women’s Day 2023 : बॉलीवूडमधील 'या' स्टार अभिनेत्रींना बेधडक बोलण्यापासून कोणीही रोखू शकत नाही कारण...!

दीपिका पादुकोन ही राष्ट्रीय स्तरावरील बँटमिंटनपटू राहिलेली आहे. ती प्रसिद्ध भारतीय बँटमिंटनपटू प्रकाश पादुकोन यांची मुलगी आहे. बॉलिवूडमध्ये आपला ठसा उमटवल्यानंतर दीपिका पदुकोण हॉलिवूडमध्येही आपला ठसा उमटवत आहे. ती देशातील सर्वात मजबूत महिला आयकॉनपैकी एक आहे. तिच्या कारकिर्दीच्या शीर्षस्थानी, अभिनेत्री तिच्या नैराश्याच्या समस्येबद्दल उघडपणे बोलली. मानसिक आजाराबाबत जनजागृती करण्याच्या महत्त्वावर तिने भर दिला. याशिवाय अभिनेत्रीने अनेक मुद्द्यांवर स्तुत्य पद्धतीने भाष्य केले आहे.

कंगना राणौत खंबीर, निडर आणि स्पष्टवक्ते आहे. कंगना आज बॉलीवूडमधील उत्कृष्ट अभिनेत्रींपैकी एक आहे. पंगा गर्लने बॉलीवूडच्या पुरुष प्रधान उद्योगाला प्रत्येक पाऊलावर आव्हान दिले आहे. कंगना हळुहळू पण निश्चितपणे अडथळे तोडून आपली जागा बनवत असते. अभिनेत्रीचे प्रत्येक मुद्द्यावर स्पष्ट मत असते. भलेही तिला त्याबद्दल ट्रोल केले जाते. पण ती आपल्या वक्तव्यामुळे ती अनेकवेळा अडचणीत आल्याचे दिसते. 'शूट आऊट अँट वडाला', 'क्वीन' आणि 'तनू वेड्स मनू' या चित्रपटांनी ती खूप प्रसिद्ध झाली होती. तिला आजही बॉलिवूडची क्वीन अभिनेत्री म्हटलं जातं. 

'मिस वर्ल्ड' चा किताब मिळाल्यानंतर प्रियांका चोप्रा चर्चेत आली होती. प्रियांका चोप्राने बॉलिवूड आणि हॉलिवूडमध्ये आपला ठसा उमटवला आहे. प्रियांका चोप्रा ही कायमच चर्चेत राहणारी अभिनेत्री आहे. तिला जागतिक आयकॉन मानले जाते. जातिवादापासून ते लिंगभावाच्या अंतरापर्यंत देसी गर्ल या सामाजिक प्रश्नांवर मोकळेपणाने नेहमी बोलत असते.

बॉलीवूड अभिनेत्री स्वरा भास्कर राजकीय ते सामाजिक आणि मनोरंजनापर्यंतच्या मुद्द्यांवर आपले मत व्यक्त करण्यास मागे हटत नाही. तिच्या वक्तव्यामुळे ती लोकांच्या निशाण्यावर येते. मात्र, यामुळे स्वराला काही फरक पडत नाही. स्वरा तिच्या नावाप्रमाणेच तिचा आवाज नेहमीच उंच ठेवते. 

तापसी पन्नू ही एक अतिशय बिनधास्त अभिनेत्री मानली जाते.  बॉलिवूडमधील प्रसिद्ध आणि सुंदर अभिनेत्रींमध्ये तापसी पन्नूचे नाव घेतले जाते. तापसीने आपल्या दमदार अभिनयाच्या जोरावर अतिशय कमी वेळात बॉलिवूडमध्ये आपलं वेगळं स्थान निर्माण केले आहे. तापसीने आतपर्यंत ‘नेपिंग’, ‘मुल्क’, ‘बदला’, ‘मनमर्जिया’, ‘थप्पड’ आणि ‘नाम शबाना’ या चित्रपटात काम केले आहे.