able Photos Of Australian Cricketer Wife: हे फोटो फारच सुंदर असून हा संपूर्ण सोहळा ऑस्ट्रेलियामध्ये पार पडला आहे. मागील वर्षी मार्च महि...
निळ्या रंगाच्या काठापदराच्या साडीमध्ये ती खुर्चीवर बसली असून तिच्या गळ्यात फुलांची माळ आहे आणि तिचं औक्षण केलं जात आहे.
हा सर्व समारंभ पार पडला आहे ऑस्ट्रेलियामध्ये आणि ज्या महिलेचं औक्षण केलं जात आहे ती एका ऑस्ट्रेलियन खेळाडूची पत्नी आहे असं तुम्हाला सांगितल्यास नक्कीच आश्चर्य वाटेल.
पण हे फोटो स्वत: तिनेच शेअर केले आहेत. अगदी नटण्यापासूनचे फोटो तिने सोशल नेटवर्किंगवर शेअर केले आहेत.
आता ही महिला आहे तरी कोण असा तुम्हाला प्रश्न पडला असेल तर या महिलेचं नाव आहे विनि रमण.
विनि ही ऑस्ट्रेलियन क्रिकेटपटू ग्लेन मॅक्सवेलची पत्नी आहे. मॅक्सेवेल आणि विनि लवकरच आई-बाबा होणार आहेत.
विनिने शेअर केलेल्या ओटीभरण आणि डोहाळे जेवणाच्या कार्यक्रमामध्ये मॅक्सवेलही उपस्थित होता. विनिसोबत तो एका फोटोत दिसत आहे.
मॅक्सवेल या वर्षी जेव्हा आयपीएलसाठी भारत दौऱ्यावर होता तेव्हाच विनिने सोशल मीडियावर आपण गरोदर असल्याची माहिती दिली होती.
विनि ही मूळची भारतीय असून मागील वर्षीच हे दोघे लग्नबंधनात अडकले.
भारतीय पंरपरेनुसार अगदी थाटामाटात या दोघांनी लग्न केलं होतं. त्यांच्या लग्नाचे फोटोही चांगलेच चर्चेत होते.
मॅक्सवेल आणि विनिने 18 मार्च 2022 रोजी लग्न केलं होतं.
त्यानंतर 27 मार्च 2022 रोजी त्यांनी तमिळ रितीरिवाजांनुसार लग्न केलं होतं.
लग्नात अगदी वधू आणि वराला उचलून घेत एकमेकांना वरमाला घातल्याचे फोटोही या दोघांनी शेअर केले होते.
अगदी हळदीचा कार्यक्रमही विनि आणि मॅक्सवेलने मनापासून एन्जॉय केला होता.
या दोघांच्या हळदीचे फोटोही चांगलेच व्हायरल झाले होते. मॅक्सवेल कुर्त्यामध्ये फारच छान दिसत होता.
दोघांनी ख्रिश्चन पद्धतीनेही लग्न केलं होतं. लग्नाआधी अनेक वर्ष हे दोघे एकमेकांना डेट करत होते.
मेलबर्नमध्ये शिक्षणासाठी गेलेल्या विनिची मॅक्सवेलबरोबर ओळख झाल्यानंतर हे दोघे प्रेमात पडले होते.