Hanuman Jayanti 2023 : बजरंगबलीची 'या' राशींवर असेल विशेष कृपा, बिघडलेली कामं होतील यशस्वी

हिंदू धर्मात संकटमोचनला शक्तींचा स्वामी म्हटलं गेलं आहे. त्यामुळे बाल हनुमानाची पूजा केल्यास वैभव, सामर्थ्य, ऐश्वर्य आणि सुखाची प्राप्ती होते, असं ज्योतिषशास्त्र अभ्यास म्हणतात. हनुमान जयंतीला विशेष योग तयार होतं आहे. त्यामुळे या दिवशी काही राशींवर हनुमानजीची विशेष कृपा होणार आहे. चला तर मग जाणून घेऊयात कोणत्या राशींवर बसरणार बजरंगबलीची कृपा...जाणून घ्या तुमच्या राशीचा यात समावेश आहे का ते...

या राशीच्या लोकांसाठी हनुमान जयंती अतिशय शुभ असणार आहे. तुमच्या आत्मविश्वास वाढणार आहे. अपूर्ण राहिलेली कामं मार्गी लागणार आहेत. तुम्हाला आर्थिक लाभ होईल असं ज्योतिष शास्त्र अभ्यास सांगतात. मात्र तुमचं ध्येय गाठण्यासाठी कठोर परिश्रम करावं लागेल. खरं तर एप्रिल महिना या राशीच्या लोकांसाठी भाग्यशाली ठरणार आहे. 

मीन राशीच्या लोकांसाठी हनुमान जयंती संकट दूर करणारी ठरणार आहे. कारण या राशीच्या लोकांवर शनीची साडेसाती सुरु आहे. त्यामुळे हनुमान जयंतीला संकटमोचनची पूजा केल्या शनि महादशाचा अशुभ प्रभाव कमी होतो. तो कमी झाल्यामुळे तुमच्या कार्यक्षेत्रात तुम्ही चमकणार आहात. तुमची आर्थिक स्थिती सुधारणार आहे, असं ज्योतिष शास्त्रात सांगण्यात आलं आहे. 

कर्क राशीच्या लोकांसाठी ही हनुमान जयंती खूप भाग्यशाली ठरणार आहे. आर्थिक कमाईचे स्त्रोत्राचे अनेक मार्ग दिसणार आहेत. नोकरीच्या ठिकाणी महत्त्वाची जबाबदारी तुम्हाला दिली जाणार आहे. कुटुंबात आनंदाचं वातावरण असणार आहे आणि त्याची तुम्हाला साथ मिळणार आहे. खरं तर एप्रिल महिना या राशीसाठी लकी ठरणार आहे. 

कुंभ राशीच्या लोकांसाठी हनुमान जयंती खूप जास्त लाभदायक ठरणार आहे. या लोकांना नशिबाची साथ मिळणार आहे. संकटमोचनची या राशीच्या लोकांवर विशेष कृपा असणार आहे. त्यामुळे जीवनात आनंदाचं वातावरण असणार आहे. मात्र कोणताही निर्णय घेण्यापूर्वी शंभर वेळा विचार करा. नोकरीच्या ठिकाणी तुम्ही केलेला मेहनतीचं फळ तुम्हाला मिळणार आहे, असं ज्योतिषशास्त्रात सांगण्यात आलं आहे. 

(वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही.)