Guru Pushya Yoga 2023 : गुरुवारी गुरु पुष्य अमृत योगासह 5 शुभ योग!धनसमृद्धीसाठी 'या' वस्तू खरेदी नक्की करा

गुरुवारी म्हणजे 25 मे 2023 ला गुरु पुष्य योगासह 5 शुभ योग जुळून आले आहेत.गुरु पुष्य अमृत योगासोबतच वृद्धी योग, सर्वार्थ सिद्धी योग, अमृत सिद्धी योग आणि रवियोग जुळून आला आहे. 

गुरुवारी 25 मे 2023 ला कोणतेही शुभ कार्य कराल तर त्यात घवघवीत यश मिळणार आहे. वैदिक ज्योतिषशास्त्रानुसार लग्नविधी सोडून इतर सर्व शुभ कामासाठी गुरु पुष्यचा दिवस शुभ आहे. 

ज्योतिषशास्त्रानुसार जेव्हा गुरुवारी पुष्य नक्षत्र येते तेव्हा हा दुर्लभ गुरु पुष्य योग तयार होतो. गुरु पुष्य योगाला गुरु पुष्य नक्षत्र योग असेही म्हणतात. हा योग अत्यंत शुभ आणि लाभदायक आहे. 

गुरु पुष्य योग गुरुवारी सूर्योदयापासून संध्याकाळी 05:54 पर्यंत आहे. या दिवशी संध्याकाळी 05:54 पासून आश्लेषा नक्षत्र सुरू होईल. 25 मे 2023 ला सकाळपासून 05:54 वाजेपर्यंत तुम्ही शुभ वस्तूंची खरेदी करावीत. 

25 मे 2023 ला वृद्धी योग संध्याकाळी 06:00 ते 08:00 पर्यंत असणार आहे. तर अमृत सिद्धी योग आणि सर्वार्थ सिद्धी योग देखील सकाळी 05.26 ते संध्याकाळी 05.54 पर्यंत असेल. 

25 मे 2023 ला रवियोग सकाळी 05:26 ते सायंकाळी 05:54 पर्यंत असणार आहे. त्यानंतर रात्री 09.12 ते दुसऱ्या दिवशी 26 मे 2023 ला सकाळी 05.25 पर्यंत असेल. 

सोने हे सुख आणि समृद्धीचं प्रतीक मानलं जातं. त्यामुळे या शुभ मुहूर्तावर गुरु पुष्य योगात सोने खरेदी केल्याने तुमची संपत्तीत वाढ होते असं म्हणतात. 

गुरु पुष्य योगात हळद खरेदी करणे देखील अतिशय शुभ आहे. जर तुम्हाला सोने खरेदी करता येत नसेल तर तुम्ही हळद खरेदी करा. 

गुरु पुष्य योगात तुम्ही हरभरा डाळ खरेदी करु शकता. यामुळे घरात सुख आणि समृद्धी वाढते. हळद आणि हरभरा डाळ याशिवाय पिवळ्या रंगाचे कपडे, पितळ, तूप इत्यादी पैकी काही खरेदी करु शकता. 

गुरु पुष्य योगाच्या दिवशी व्यक्तीने सोन्याचे नाणे किंवा चांदीचे नाणे खरेदी करणे शुभ मानले जाते. 

गुरु पुष्य योगामध्ये देव गुरु बृहस्पतीचा प्रभाव अधिक असतो. त्यामुळे यादिवशी तुम्ही धार्मिक पुस्तकांची खरेदी करणे शुभ मानले जाते. 

वाहन आणि मालमत्ता खरेदी करणेदेखील या दिवशी शुभ मानली जाते. (वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही.)