गाडी घेतल्याच्या आनंदात व्यापाऱ्यानं वाटले सोनेरी पेढे

सुरेश पोकळे यांनी जॅग्वार एक्स एफ कार घेतल्यानंतर, या माणसाने चक्क सोन्याचा वर्ख असलेले पेढे वाटले 

सुरेश पोकळे यांना सोन्याचे पेढे वाटायचे होते, त्यांनी ही कल्पना काका हलवाई यांच्याकडे मांडली... आणि हलवायानंही सोनेरी वर्ख लावून बनवलेले पेढे बनवून दिले

काका हलवाई यांनी ७ हजार रूपये किलोने हे पेढे सुरेश पोकळे यांना बनवून दिले. एका किलोत ३० पेढे देण्यात आले आहेत... हा एक पेढा २३३ रूपयांचा आहे

पुणे जिल्ह्यातील घायरी गावचे सुरेश रामनाथ पोकळे यांनी जग्वार एक्स एफ ही गाडी घेतली. आता हा त्यांच्यासाठी निश्चितच सोनेरी क्षण होता.

पिढ्यांपिढ्या शेती करूनही, त्यांनी कधी एवढ्या महागड्या ब्रॅण्डची गाडी घेतली नाही. पण इतर व्यवसायाच्या मदतीने अनेक वर्षापासून त्यांनी हालाखीतून वर येत, आज कुटूंबाची स्थिती जग्वार गाडी वापरण्यापर्यंत आणून ठेवली. या गाडीची किंमत १ कोटी १४ लाख असल्याचं सांगण्यात येत आहे.