स्वत:चे अपयश झाकण्याचा देवेंद्र फडणवीस यांचा प्रयत्न - अजित पवार
फडवणीस यांच्या टीकेला राष्ट्रवादी आणि शिवसेनेने जोरदार प्रत्युत्तर दिले आहे
Updated: Feb 04, 2021, 04:19 PM IST
मुंबई : इंधन दरवाढीवरुन (petrol-diesel price hike) जोरदार राजकारण होत असल्याचे दिसून येत आहे. विरोधक आणि सत्ताधाऱ्यांत आरोप-प्रत्यारोप होत आहेत. इंधन दरवाढीच्या आंदोलनावर विरोधी पक्षनेते देवेंद्र फडणवीस (Devendra Fadnavis) यांनी टीका केली आहे. शिवसेनेने नौटंकी बंद करावी, असे ते म्हणाले. दरम्यान, फडवणीस यांच्या टीकेला राष्ट्रवादी आणि शिवसेनेने जोरदार प्रत्युत्तर दिले आहे. स्वत:चे अपयश झाकण्याचा फडणवीस यांचा प्रयत्न आहे, असा टोला उपमुख्यमंत्री अजित पवार (Ajit Pawar) यांनी टोला लगावला आहे. दरम्यान, शिवसेनेनेही भाजपवर टीका केली आहे. फडणवीस यांनी थेट केंद्राला सल्ला द्यावा, असे पर्यावरण मंत्री आदित्य ठाकरे (Aditya Thackeray)यांनी टीका केली आहे.
इंधन दरवाढीविरोधात आक्रमक होणाऱ्या शिवसेनेने नौटंकी बंद करावी अशी टीका विरोधी पक्षनेते देवेंद्र फडणवीसांनी केली. सरकारने इंधनावरील राज्याचे कर कमी करावेत अशी मागणीही त्यांनी केलीय. यावर उपमुख्यमंत्री अजित पवारांनी प्रत्युत्तर दिले आहे. केंद्र सरकारने मोठ्या प्रमाणात पेट्रोल-डिझेलचे दर वाढवले आहेत त्याच समर्थन करता येत नाही. त्यामुळे राज्य सरकारबद्ल फडणवीस वक्तव्य करत असल्याची टीका अजित पवार यांनी केली आहे. तर पर्यावरणमंत्री आदित्य ठाकरे यांनीही फडणवीसांवर जोरदार टीका केलीय. देवेंद्र फडणवीसांनी राज्याला दिलेला सल्ला केंद्राला द्यावा अशा शब्दांत आदित्य ठाकरेंनी निशाणा साधला आहे.
शिवसेना इंधन दरवाढीविरोधात उद्या राज्यव्यापी आंदोलन करून केंद्र सरकारविरोधात निदर्शन करणार आहे. राज्यभरात जिल्हाधिकारी कार्यालये तसेच शासकीय कार्यालयांसमोर निदर्शने केली जाणार आहेत. बैलगाडय़ा, सायकल मार्च काढून केंद्र सरकारने केलेल्या पेट्रोल, डिझेल दरवाढीचा तीव्र निषेध करणार आहे तर विरोधी पक्ष भाजप राज्यातील वीजबिलदरवाढीवरोधात राज्यभर आंदोलन छेडणार आहे.
फडवणीस यांच्या टीकेला राष्ट्रवादी आणि शिवसेनेने जोरदार प्रत्युत्तर दिले आहे
By clicking “Accept All Cookies”, you agree to the storing of cookies on your device to enhance site navigation, analyze site usage, and assist in our marketing efforts.
)
Newsletter