Maha Vikas aghadi press conference Nana Patole: लोकसभा निवडणुकीचे (Loksabha election 2024) पडघाम वाजले असताना लवकरच पहिल्या टप्प्यातील मतदान होणार आहे. अखेर गुढीपाडव्याच्या मुहूर्तावर महाविकास आघाडीने एकत्र पत्रकार परिषद घेत लोकसभा जागावाटपाचा फॉर्म्युल्याची घोषणा केली. या पत्रकार परिषदेत कॉंग्रेस प्रदेशाध्यक्ष नाना पटोले यांनी नरेंद्र मोदी आणि भाजप पक्षावर जोरदार घणाघात करत टिका केली आहे.
कॉंग्रेस हा राष्ट्रीय पक्ष आहे. स्वातंत्र्यलढ्यात कॉंग्रेसचे मोठे योगदान होते. सोनिया गांधी यांची तब्येत बरी नसतानाही तासनतास त्यांनी ईडी कार्यालयात बसवून ठेवले. देशातून भाजपच सरकार आणि नरेंद्र मोदींची सत्ता बाहेर काढण्याचा आमचा पहिला प्रयत्न असणार आहे. केंद्राच सरकार हे भ्रष्ट्राचारी सरकार आहे. मोदी हे फक्त कॉंग्रेस पक्षाला शिव्या देत असातात, अशा घणाघात नाना पटोले यांनी मोदींवर केला आहे.
महाविकासातील मत एकमेकांना जाणार का? असा प्रश्न नाना पटोलेना विचारला असता, राज्यातील महाविकास आघाडीचा जागावाटपाचा तिढा अखेर संपुष्टात आला आहे. आमच्या कार्यकर्त्यांनी मोठं मन केल असून भाजपचे पाणीपत करण्यासाठी आम्ही एकत्र आलो आहे. आमचे सगळे कार्यकर्ते महाविकास आघाडीच्या उमेदवाराला निवडून आणण्यासाठी प्रयत्न करतील असे यावेळी पटोले म्हणाले. महाविकास आघाडीचे सगळे उमेदवार विजयी होतील असा विश्वास नाना पटोले यांनी व्यक्त केला. तसेच कॉंग्रेसची मतं ही महाविकासातील एकमेकांना दिली जाणार. कारण शिवसेना आणि राष्ट्रवादी ही खरी आहेत. कॉंग्रेसचे सर्व कार्यकर्ते महाविकासाच्या जागा निवडूण आणण्याचा आमचा प्रयत्न असणार आहे, असं पटोले म्हणाले. यावेळी पत्रकार परिषदेत शरद पवार, उद्धव ठाकरे, पृथ्वीराज चव्हाण, बाळासाहेब थोरात यांचीही उपस्थिती होती.