पंतप्रधान मोदी यांच्या वाढदिवशी नवा World Record; तब्बल 1 लाख लोकांनी...

पंतप्रधान नरेंद्र मोदी यांच्या वाढदिवसानिमित्त शनिवारी हा विश्वविक्रम रचण्यात आला आहे

Updated: Sep 18, 2022, 03:58 PM IST

शनिवारी पंतप्रधान नरेंद्र मोदी यांचा वाढदिवस (pm narendra modi birthday) देशभरात उत्साहात साजरा करण्यात आला आहे. 17 सप्टेंबर रोजी पंतप्रधान नरेंद्र मोदी (pm narendra modi) 72 वर्षांचे झाले आहेत. पंतप्रधान मोदी यांच्या वाढदिवसानिमित्त देशाला खास गिफ्ट मिळालं आहे.
70 वर्षांपूर्वी भारतातून लूप्त झालेले चित्ते (cheetah) आज पुन्हा भारतात परतलेत. हे आफ्रिकन चित्ते नामिबियातून (namibia cheetah) 8 हजार किलोमीटरचा प्रवास करुन भारतात दाखल झालेत. पंतप्रधान नरेंद्र मोदी (PM Narendra Modi) यांनी मध्य प्रदेशातील (Madhya Pradesh) श्योपूर येथील कुनो नॅशनल पार्कमध्ये (kuno national park) त्यांच्या वाढदिवसानिमित्त नामिबियातून भारतात आणलेल्या चित्त्यांना सोडले. चित्ते (cheetahs) पिंजऱ्यातून बाहेर पडताच पंतप्रधान नरेंद्र मोदी (PM Modi) यांनी त्यांचे फोटो काढले.
पंतप्रधान नरेंद्र मोदी यांच्या वाढदिवसानिमित्त शनिवारी 15 दिवसांच्या रक्तदान मोहिमेला (blood donation) सुरुवात झाली. पहिल्याच दिवशी 1 लाखाहून अधिक लोकांनी रक्तदान केले, हा 'वर्ल्ड रेकॉर्ड' (world record) आहे. केंद्रीय आरोग्य मंत्री मनसुख मांडविया (Union Health Minister Mansukh Mandaviya) यांनी ही माहिती दिली.
यापूर्वी 6 सप्टेंबर 2014 रोजी 87,059 जणांनी रक्तदानात सहभागी होऊन विक्रम केला होता. अखिल भारतीय तेरापंथ युवक परिषदेने हा कार्यक्रम आयोजित केला होता. यासाठी भारतातील 300 शहरांमध्ये 556 रक्तदान शिबिरे आयोजित करण्यात आली होती.
सफदरजंग रुग्णालयात आयोजित शिबिरात आरोग्यमंत्री मांडविया यांनी रक्तदान केले. रक्तदान अमृत महोत्सवात (Raktdaan Amrit Mahotsav) रक्तदान करण्यासाठी त्यांनी आरोग्य सेतू अॅप किंवा ई-रक्तकोश पोर्टलवर आपली नोंदणी करण्याचे आवाहन केले. हा रक्तदानाचा कार्यक्रम 1 ऑक्टोबर राष्ट्रीय स्वैच्छिक रक्तदान दिनापर्यंत सुरु राहणार आहे.

नया विश्व कीर्तिमान!

आज मुझे बताते हुए हर्ष है की प्रधानमंत्री @NarendraModi जी के जन्मदिन पर #RaktdaanAmritMahotsav के तहत 87 हज़ार से अधिक लोगो ने अब तक स्वेच्छा से रक्तदान किया है, जो की एक नया विश्व कीर्तिमान है।

अपने प्रिय प्रधानसेवक को देश की तरफ से यह एक अमूल्य भेंट है। pic.twitter.com/Fp2PPlqhKK — Dr Mansukh Mandaviya (@mansukhmandviya) September 17, 2022

मांडविया यांनी शनिवारी संध्याकाळी ट्विट करत, "आज नवा विश्वविक्रम प्रस्थापित झाला. मला सांगायला आनंद होत आहे की, पंतप्रधान नरेंद्र मोदी यांच्या वाढदिवसानिमित्त रक्तदान अमृत महोत्सवात आतापर्यंत 86 हजारांहून अधिक लोकांनी स्वेच्छेने रक्तदान केले आहे, हा एक नवा जागतिक विक्रम आहे. आपल्या प्रिय प्रधान सेवकाला देशाकडून मिळालेली ही अमूल्य भेट आहे," असं म्हटलं आहे. यानंतर त्यांनी आणखी एका ट्विटमध्ये सांगितले की, हा आकडा एक लाखाच्या पुढे गेला आहे.

Over 100,000 donate blood on PM Modi's birthday, creating world recordhttps://t.co/vgOu6zfvdg

via NaMo App pic.twitter.com/0X1LKoUDZ5 — Dr Mansukh Mandaviya (@mansukhmandviya) September 18, 2022

पहिल्या दिवशी रक्तदान करणाऱ्यांची मोजणी सुरूच असल्याचे अधिकाऱ्यांनी सांगितले. आतापर्यंत देशभरात 6,136 शिबिरांना परवानगी देण्यात आली असून 1,95,925 लोकांनी नोंदणी केली आहे, असे एका अधिकाऱ्याने सांगितले.

पंतप्रधान नरेंद्र मोदी यांच्या वाढदिवसानिमित्त शनिवारी हा विश्वविक्रम रचण्यात आला आहे

पंतप्रधान मोदी यांच्या वाढदिवशी नवा World Record; तब्बल 1 लाख लोकांनी...

पंतप्रधान नरेंद्र मोदी यांच्या वाढदिवसानिमित्त शनिवारी हा विश्वविक्रम रचण्यात आला आहे

TAGS