Cocktail आणि Mocktail दोघांमध्ये फरक काय? ते कसं बनवलं जातं?

मुंबई : जे लोक नेहमीच पार्ट्यांमध्ये जात असतात किंवा वेगवेगळे ड्रिंक पितात, त्यांनी कॉकटेल आणि मॉकटेल सारखे शब्द अनेकदा ऐकले असतील. त्यांना कदाचित यामधील फरकांबद्दल माहित असेल. परंतु जे लोकं पार्टीमध्ये फार कमी जातात किंवा जातच नाही, त्या लोकांना मात्र या दोन्ही ड्रिंकमधील फरक माहित नसेल. या दोन्ही ड्रिंकमध्ये वेगवेगळ्या ड्रिंकचे मिश्रण असते, परंतु दोन्ही बनवण्याची पद्धत वेगळी आहे. अशा परिस्थितीत, आज आपण जाणून घेऊया की कॉकटेल आणि मॉकटेलमध्ये नक्की काय फरक आहे?

कॉकटेल म्हणजे काय?

कॉकटेल म्हणजे अनेक ड्रिंकचे मिश्रण ज्यामध्ये अल्कोहोल आढळते. उदाहरणार्थ, अल्कोहोल, बिअर, टकीला इत्यादीपासून बनवलेल्या पेयांना कॉकटेल पेय म्हणतात. उदाहरणार्थ, समजा काही दारू, फळांचा रस किंवा सोडा इत्यादी मिसळून पेय बनवले तर ते कॉकटेलच्या श्रेणीत ठेवले जाते.

कॉकटेल ड्रिंक्स हे अल्कोहोलिक ड्रिंक असल्याने त्याच्याशी संबंधित अनेक नियम आहेत. जसे की, त्यांची विक्री करण्यासाठी अनेक प्रकारचे नियम पाळावे लागतात. याशिवाय त्यांना बनवण्याची एक खास पद्धत आहे, त्यानुसार ते बनवले जातात. जसे अल्कोहोलचे प्रमाण काय असावे आणि त्यात इतर कोणत्या गोष्टी मिसळली पाहिजेत इत्यादी.

मॉकटेल म्हणजे काय?

मॉकटेल हे कॉकटेलपेक्षा पूर्णपणे वेगळं ड्रिंक आहे. जेव्हा तुम्ही एखादं ज्यूस किंवा नॉन-अल्कोहोलिक पेयांपासून पेय बनवता, तेव्हा ते मॉकटेलच्या श्रेणीत ठेवले जाते. मॉकटेलच्या श्रेणीमध्ये अनेक प्रकारचे पेय आहेत, परंतु ते सर्व नॉन-अल्कोहोलिक आहेत.

या पेयांमध्ये अल्कोहोल नसल्यामुळे, ते विकण्यासाठी वयाचे बंधन नाही आणि ते कोणत्याही प्रकारे दिले जाते. तसेच ते बनवण्यासाठी कोणताही विशेष नियम पाळावा लागत नाही आणि तो त्याच्या चाचणीनुसार बनवता येतो.