ADITYA-L1 MISSION ISRO LIVE : जगभरातील महासत्ता असणाऱ्या राष्ट्रांच्या यादीमध्ये स्थान मिळवू पाहणारा भारत देश सध्या सर्वांगीण विकासाच्याच दिशेनं पावलं टाकताना दिसत आहे. प्रत्येक क्षेत्रात देशाची उल्लेखनीय कामगिरी संपूर्ण जगाचं लक्ष वेधत आहे. कला, क्रीडा म्हणू नका किंवा संशोधन. भारतीयांनी प्रत्येक क्षेत्रात उल्लेखनीय योगदान दिलं असून त्यांच्या कामाची दखल जागतिक स्तरावर घेतली जात आहे.
भारतीय अंतराळ संशोधन संस्था म्हणजेच इस्रोच्या मोहिमांकडे असणाऱ्या जगाच्या नजरा पाहता ही बाब अगदी सहजपणे लक्षात येते. 14 जुलै 2023 रोजी भारतानं चांद्रयान 3 चंद्राच्या दिशेनं पाठवलं आणि साधारण 45 दिवसांच्या कालावधीत या यानानं चंद्राचा दक्षिण ध्रुव गाठला. असं करणारा भारत पहिला देश आणि चंद्र गाठणारा चौथा देश ठरला. तिथं चांद्रयान मोहिमेतून अनेक पैलू असणारी चंद्राविषयीची महिती विक्रम लँडर आणि प्रज्ञान रोव्हर इस्रोकडे पाठवत असतानाच आता भारतीय अंतराळ संशोधन संस्था आणखी एका मोहिमेसाठी सज्ज झाली आहे. सूर्य मोहिम अर्थात आदित्य एल1 असं या मोहिमेचं नाव असून, 2 सप्टेंबर 23 रोजी श्रीहरिकोटा येथून भारताच्या या सूर्यमोहिमेसाठीचं यान अवकाशाच्या दिशेनं झेप घेत आहे. या संपूर्ण प्रक्रियेच्या Live Updates, इस्रोच्या कार्यालयातील माहिती, आणि संशोधकांमध्ये असणारा उत्साह तुम्हाला इथं पाहता येणार आहे.