हिमाचलमध्ये भूस्खलन, अनेक राज्यांमध्ये पावसाचा कहर
देशात अनेक भागात पावसाचा जोर कायम
Updated: Sep 05, 2020, 05:07 PM IST
नवी दिल्ली : राजस्थान, छत्तीसगड आणि मध्य प्रदेशातून चक्रीयवारे आता उत्तर-पश्चिम दिशेने पुढे सरकू लागले आहेत. भारतीय हवामान खात्याच्या माहितीनुसार उत्तराखंड, मध्य प्रदेश, छत्तीसगड आणि विदर्भात आज पावसाची शक्यता आहे. आयएमडीने म्हटले आहे की, सप्टेंबरच्या दुसर्‍या आठवड्यापासून पश्चिम राजस्थानातून मान्सून हळूहळू कमी होत जाईल.
हवामान खात्याचा अंदाज आहे की, येत्या 12 तासांत राजस्थान, हरियाणा, दिल्ली, पश्चिम उत्तर प्रदेश, छत्तीसगड, विदर्भ, ओडिशा, पूर्व मध्य प्रदेश, मध्य महाराष्ट्र, मराठवाडा, तामिळनाडू आणि पुडुचेरी येथे वादळी वाऱ्यासह पावसाची शक्यता आहे. ९ सप्टेंबरपर्यंत उत्तराखंडमध्ये अतिदुर्गम भागात गडगडाटासह पाऊस पडण्याची शक्यता आहे. तर त्यानंतर येत्या दोन आठवड्यात पावसाचा जोर कमी होण्याची शक्यता आहे.
दिल्लीचे हवामान
देशाची राजधानी दिल्लीत ढग असले तरी लोकांना उकाड्याचा सामना करावा लागत आहे. शनिवारी राष्ट्रीय राजधानीत हलका पाऊस पडण्याची शक्यता आहे. राजधानीतील कमाल तापमान सुमारे 35 अंश आणि किमान तापमान 26 अंश सेल्सिअस नोंदविले गेले आहे. हवामान खात्याने दिल्लीत ढगाळ वातावरणासह काही भागात हलक्या पावासाचा अंदाज वर्तवला आहे.
हिमाचल प्रदेशातील कांगडामध्ये निसर्गाचा उद्रेक कायम आहे. नद्या भरुन वाहत आहे. उत्तराखंडमध्ये पावसाचा जोर कायम आहे. अतिवृष्टीमुळे डोंगर भागात राहणाऱ्या लोकांचं जनजीवन विस्कळीत झालं आहे. मुसळधार पावसामुळे उत्तरकाशी जिल्ह्यात अनेक भागात पाणी साचलं आहे.
हिमाचल प्रदेशात भूस्खलन
हिमाचल प्रदेशातील मंडी जिल्ह्यात दरड कोसळल्यामुळे हंगोई मंदिराजवळ राष्ट्रीय महामार्ग -3 बंद झाला आहे. दरडी कोसळल्याने महामार्गावरील वाहतूक विस्कळीत झाली आहे. त्याचबरोबर मार्ग मोकळा करण्याचे कामही सुरू आहे.
By clicking “Accept All Cookies”, you agree to the storing of cookies on your device to enhance site navigation, analyze site usage, and assist in our marketing efforts.
)
Newsletter