11 विमाने, 16 वेळा लँडिंगचा प्रयत्न आणि शेकडो प्रवाशांचा जीव धोक्यात; विमानतळावर टळला मोठा अपघात

शुक्रवारी कोलकाता विमानतळावर (Kolkata Airport) असे काही घडले की सुमारे तासभर प्रवाशांचा श्वास रोखून धरायला लागला. क्रॉसवाइंडमुळे (Crosswind) संध्याकाळी पाच ते साडेसहा वाजेपर्यंत उतरणारी विमाने हवेत फिरत राहिली. 11 वैमानिकांनी विमाने धावपट्टीवर उतरवण्याचा प्रयत्न केला पण नंतर वाऱ्यामुळे थांबण्याचा निर्णय घ्यावा लागला.

कोलकाता विमानतळावर जवळपास तासभर वाऱ्यामुळे विमान उतरू शकले नाही. त्यामुळे शेकडो प्रवाशांचा जीव धोक्यात आला होता . साधारणपणे 10 मिनिटे ते अर्ध्या तासापर्यंत असा वारा वाहत असतो. परंतु यावेळी त्याचा कालावधी जास्त होता. त्यामुळे मोठा धोका निर्माण झाला होता.

विमान उडत असलेल्या दिशेला फिरणाऱ्या जोरदार वाऱ्यांना क्रॉसविंड म्हणतात. या वाऱ्यांमुळे विमान लँडिंगच्या वेळी धावपट्टीवरून भरकटून मोठी दुर्घटना घडू शकते. शुक्रवारी 11 विमानांनी 16 वेळा धावपट्टीवर उतरण्याचा प्रयत्न केला. असे हवामान पाहता सुमारे दोन डझन विमाने हवेत घिरट्या घालत राहिली. तर 9 अन्य विमानतळाकडे वळवण्यात आली.

माध्यमांच्या वृत्तानुसार, वैमानिकांनी सांगितले की हवामान खात्याने जोरदार वाऱ्याचा इशारा जारी केला होता परंतु अशा क्रॉसवाइंडचा सामना करावा लागेल हे कोणालाही माहित नव्हते. डावीकडून येणाऱ्या वाऱ्यांमध्ये विमानांना धावपट्टीच्या कोनातून 20 अंशांनी विचलित करण्याची शक्ती होती. त्यामुळे लँडिंग खूप धोकादायक होते. या कारणास्तव, इंधन पाहता, हवेत राहण्याचा निर्णय घेण्यात आला.

क्रॉसवाइंडमुळे विमाने 90 मिनिटे घिरट्या घालव्या लागतील याचा अंदाज कोणालाही आला नव्हता. एका वैमानिकाच्या म्हणण्यानुसार, शुक्रवारी 1600 फूट उंचीवर 93 किमी ताशी आणि 900 फूट उंचीवर 83 किमी प्रतितास वेगाने वारा वाहत होता. अशा परिस्थितीत विमान उतरवणे खूप कठीण होते.