JEE Main Scam : जेईई मेन परीक्षेत घोटाळा, CBI ने सात लोकांना पकडलं

मुंबई : CBI ने इंजिनिअरिंग प्रवेश परीक्षा JEE Main मध्ये घोटाळा झाल्याच उघड केलं आहे. या प्रकरणात सात लोकांना अटक करण्यात आली आहे. जेईई मेनची परीक्षा कुणा दुसऱ्याला देण्यासाठी 15 लाख रुपये आकारले जातात. प्रत्येक उमेदवाराकडून 15 लाख रुपये घेण्यात आले. 

CBI ने दिलेल्या माहितीनुसार, या संबंधी 1 सप्टेंबर रोजी गुन्हा दाखल करण्यात आला. यानंतर दिल्ली, NCR,पुणे, जमशेदपुरमध्ये 20 लोकेशनवर छापा मारण्यात आला.  CBI ने दिलेल्या माहितीनुसार, एका खासगी कंपनीसह त्याचे संचालक, तीन कर्मचारी आणि इतर खासगी व्यक्तींविरोधात गुन्हा नोंदवण्यात आला आहे. सीबीआयने म्हटले आहे की त्यांचे दलाल, सहकारी आणि खाजगी शैक्षणिक संस्थांचे कर्मचारी स्कॅनरखाली जेईई परीक्षा केंद्रावर तैनात होते. ताब्यात घेतलेल्या व्यक्ती आणि काही अज्ञात व्यक्तींविरोधात तपास सुरू आहे. अधिकाऱ्यांच्या मते, षड्यंत्र करणाऱ्यांपैकी किमान एक बिहारचा आहे.

JEE-Main पूर्वी CBSE द्वारे घेतली जात होती, परंतु सध्या राष्ट्रीय परीक्षा एजन्सी (NTA) ही परीक्षा घेते. NTA ची स्थापना परीक्षा अधिक पारदर्शक करण्यासाठी करण्यात आली. एजन्सी अशा फसवणूक टाळण्यासाठी अनेक तरतुदींमध्ये स्कॅनर, ओळख तपासण्यांचा अभिमान बाळगते. दरवर्षी सुमारे 10 लाख उमेदवार जेईई-मेन परीक्षेला बसतात.

जेईई मेन परीक्षेत असा सुरू होता घोटाळा 

महाराष्ट्र आणि कर्नाटकसह इतर राज्यांमधील अनेक विद्यार्थी जेईई मेनसाठी सोनीपतचे परीक्षा केंद्र निवडत होते. परीक्षा केंद्रातील सामील असलेल्या अधिकाऱ्यांच्या मदतीने संबंधित विद्यार्थ्याच्या कंप्युटरचा रिमोट कंट्रोल घेऊन ते दूर कुठेतरी बसलेल्या एका व्यक्तीला द्यायचे. आणि ती व्यक्ती त्या विद्यार्थ्याच्या सर्व प्रश्नांची उत्तर देत होता.