Farmers Protest : वादग्रस्त Tweet ने Kangana Ranaut चे संकट वाढले, कायदेशीर नोटीस

मुंबई : बॉलिवूड (bollywood ) अभिनेत्री कंगना रनौत ( Kangana Ranaut) ट्विटरवर खूपच सक्रिय आहे. ती सातत्याने ट्विट करत असते. मात्र, तिने केलेले ट्विट तिच्यासाठी अडचणीचे ठरले आहे. यावेळीही तिच्या एका वादग्रस्त ट्विटमुळे कंगना कायदेशीर अडचणीत सापडली आहे. सध्या दिल्लीत शेतकरी आंदोलन (Farmers Protest ) सुरु आहे. हे आंदोलन गेल्या सहा दिवसांपासून सुरु आहे. या शेतकरी आंदोलनात एक वयोवृद्ध महिला सहभागी झाली आहे. या वृद्ध महिलेची तुलना दिल्लीच्या शाहीन बाग आंदोलनात सहभागी झालेल्या बिलकिस आजींसोबत केली. याबाबत अभिनेत्री कंगना रनौतला कायदेशीर नोटीस पाठवण्यात आली आहे. त्यामुळे कंगनाच्या अडचणीत वाढ झाली आहे.

दिल्लीतील शेतकर्‍यांच्या निषेधार्थ पंजाबमधील झिरकपूर येथील वकिलाने बिलकिस बानू नावाच्या वृद्ध महिलेची (शाहीन बागची आजी) चुकीची जाहिरात केल्याबद्दल कंगना रनौत हिला कायदेशीर नोटीस पाठविली आहे. हे वादग्रस्त ट्विट हटविण्यात आले तरी या वृद्ध महिलेची माफी मागण्याची मागणी करण्यात आली आहे.

Punjab: Zirakpur lawyer sends legal notice to actor Kangana Ranaut demanding an apology over her tweet identifying an old woman at the farmers' protests as 'Bilkis Dadi'.

'Bilkis Dadi' was a prominent protester at the Shaheen Bagh anti-CAA demonstrations in Delhi last winter. pic.twitter.com/RJNVPl8Buh

— ANI (@ANI) December 2, 2020

पंजाब आणि हरियाणा उच्च न्यायालयातील ज्येष्ठ वकील आणि सामाजिक कार्यकर्ते हाकम सिंह यांनी कंगनाला कायदेशीर नोटीस पाठवली आहे. त्यामुळे आपल्या वादग्रस्त विधानांमुळे चर्चेत येणारी अभिनेत्री कंगना रणौत पुन्हा एकदा अडचणीत सापडल्याचं दिसून येत आहे. कंगनाला नोटीसद्वारे ७ दिवसांचा अल्टीमेट देण्यात आला आहे.

गेल्या वर्षी दिल्लीतील शाहीन बाग विरोधी सीएएच्या निषेधार्थ प्रमुख चेहरा असलेल्या बिलकीस दादी म्हणून कंगनाने आपल्या ट्विटमध्ये एका वृद्ध महिलेचा आरोप केला होता. ३० नोव्हेंबर रोजी दिलेल्या कायदेशीर नोटीसमध्ये वकील हरकामसिंह यांनी कंगनाला सोशल मीडियावर पोस्ट करण्यापूर्वी पूर्ण माहिती असावी, अशी सूचना केली आणि तिच्या ट्विटवर माफी मागण्याची मागणी केली.