Corona: यामुळे संसर्ग होणार कमी, जगभरातील शास्त्रज्ञांचा भारताला सल्ला

मुंबई : केंद्र सरकारचे म्हणणे आहे की कोरोना साथीच्या आजारापासून बचाव करण्यासाठी 24 एप्रिल 2021 रोजी सकाळी 8 वाजेपर्यंत भारतात 13 कोटींहून अधिक जणांना लसी देण्यात आल्या आहेत. जगातील इतर कोणत्याही देशाने इतक्या वेगाने 13 कोटी लोकांना लसी दिली नाही. परंतु देशातील मोठी लोकसंख्या पाहता ती अपुरी आहे. आश्चर्याची बाब म्हणजे देशातील कोरोना संक्रमणाची संख्या दररोज मोठ्या प्रमाणात वाढत असताना लस घेणाऱ्यांची संख्या गेल्या काही दिवसांपासून कमी होत आहे. 

एसबीआयच्या कोरोनाच्या स्थितीबद्दलच्या संशोधन अहवालात असे म्हटले आहे की सद्यस्थितीनुसार डिसेंबर 2021 पर्यंत फक्त 15 टक्के लोकांचंच लसीकरण होऊ शकतं. दुसरीकडे, सुमारे 21 कोटी लोकसंख्येला दोन्ही डोस लस देऊन अमेरिका 25 टक्क्यांपर्यंत पोहोचली आहे आणि इंग्लंड सुमारे चार कोटी लोकांच्या लसीकरणासह 15 टक्क्यांपर्यंत पोहोचला आहे.

भारतातील लसीच्या या संथ गतीमागील अनेक कारणे नमूद केली जात आहेत. सामान्य लोकांमध्ये लसीची भीती असल्याचं दिसून येत आहे. परंतु लसीचा पुरवठा नसणे हे देखील एक महत्त्वाचे कारण मानले जाते. कारण काहीही असो, जगातील बरेच मोठे शास्त्रज्ञ असे म्हणतात की केवळ मोठ्या संख्येने पायाभूत सुविधा वाढवून आणि लसीकरण वाढवूनच सद्य संकटातून बाहेर पडता येईल. 

यूएस सरकारचे मुख्य वैद्यकीय सल्लागार डॉ. अँथनी फौसी यांनी शुक्रवारी सांगितले की, भारत अत्यंत वाईट टप्प्यातून जात आहे, परंतु त्यासाठी लसीकरण वाढविणे आवश्यक आहे. जागतिक आरोग्य संघटनेचे प्रमुख टेड्रोस आधनोम घेबरेसस यांनीही भारताला लसीकरणावर भर देण्यास सांगितले आहे.

सरकारही यावर आग्रह धरत आहे. एसबीआयच्या नव्या अहवालानुसार, 13 मार्च 2021 पासून देशात लसीकरणाची गती लक्षणीय वाढली आहे, परंतु 22 मार्च 2021 नंतर ती पुन्हा मंदावली आहे. 13 मार्च 2021 रोजी, सर्वाधिक लसीकरण 34.1 लाख होती, परंतु ती पुन्हा खाली 26-27 लाखांवर आली आहे. गोवा, झारखंड, आसाम, दिल्ली, उत्तराखंड, छत्तीसगड यासारख्या राज्यात त्याची गती खूपच हळू आहे आणि लोकांमध्ये लसविषयी संशय हे सर्वात मोठे कारण आहे. सरकार आणि तज्ञांकडून ते दूर करण्यासाठी सतत प्रयत्न केले जात आहेत.

एसबीआयच्या अहवालात म्हटले आहे की, महाराष्ट्र शिगेला पोहोचला आहे आणि आता खाली येत आहे, तर उर्वरित देशात 15 ते 20 दिवसात तो शिगेला जाईल. लसीकरणाचा अभाव हे त्याचे प्रमुख कारण आहे. या अहवालात स्पॅनिश फ्लूचेही उदाहरण देण्यात आले आणि नंतरच्या लाटेत अधिक मृत्यू झाल्याचे नमूद केले आहे. म्हणूनच लसीकरणाची गती वेगवान असावी. असं तज्ज्ञांचं मत आहे.