Chai Patti Benefits : तुम्ही विचार देखील केला नसावा अशा कामांसाठी वापरली जातात चहाची पानं

मुंबई : आपल्यापैकी बऱ्याच लोकांच्या दिवसाची सुरूवात चहाच्या कपाने सुरू होते. चहा हे भारतीय पेय आहे आणि भारतात वेगवेगळ्या प्रकारची चहा देखील उपलब्ध आहे. चहा प्यायल्याने थकवा दूर होतो तसेच बऱ्यचदा डोकेदुखी देखील थांबते. चहाचा वापर आरोग्य आणि सौंदर्यासाठीही केला जातो. चहामध्ये इतर काही खास गोष्टीं आहेत, ज्यामुळे त्याचा वापर सौंदर्य आणि आरोग्याव्यतिरिक्त आणखी अने गोष्टींसाठी केला जातो.

आता तुम्हाला हे वाचून प्रश्न पडेल की, चहाचा वापर चहा बनवण्यासाठी किंवा आरोग्यासाठी न होता आणखी कोणत्या गोष्टींसाठी होऊ शकतो? तर हे जाणून घ्या की, चहाच्या पानांचा वापर फर्निचर साफ करण्यापासून मटण शिजवण्यापर्यंत सर्व गोष्टींमध्ये उपयुक्त आहेत. चला तर मग जाणून घेऊया आज आपण कोणत्या गोष्टींसाठी चहाची पाने वापरू शकतो.

लाकूड फर्निचर साफ करणे

लाकडापासून बनवलेल्या फर्निचरला पॉलिश करण्यासाठी देखील चहाच्या पानांचा वापर केला जातो. आम्ही तुम्हाला सांगतो की चहाच्या औषधी गुणधर्मामुळे आणि रंगामुळे याचा उपयोग फर्निचर साफ करण्यासाठी देखील केला जातो. फर्निचर स्वच्छ करण्यासाठी तुम्ही चहाची पाने नीट उकळून घ्या, हे पाणी थंड झाल्यावर त्यात कापड भिजवा आणि फर्निचर स्वच्छ करा.

यामुळे फर्निचर चमकदार होईल. बर्‍याचदा फर्निचरच्या पॉलिशवर धूळ साचते, ते स्वच्छ करण्यासाठी चहाच्या पानांचे पाणी चोळल्यास ते पूर्णपणे स्वच्छ होते.

काच साफ करणे

अनेकदा घरांमध्ये काच साफ करण्याची समस्या उद्भवते, अशा परिस्थितीत तुम्ही चहाच्या पानांनी काच आरामात स्वच्छ करू शकता. ग्लास स्वच्छ करण्यासाठी तुम्ही चहाची पाने पाण्यात नीट उकळून घ्या, मग ती थंड झाल्यावर कपड्यात घ्या आणि काच स्वच्छ करा. याने कोणत्याही काचेच्या वस्तूही तुम्ही स्वच्छ करू शकतात.

गंध दूर करण्यासाठी

कोणत्याही प्रकारची दुर्गंधी दूर करण्यासाठी चहाची पाने खूप प्रभावी आहेत. काही घरांमध्ये मासे शिजवले जातात, त्यानंतर स्वयंपाकघर आणि हातांना वास येऊ लागतो, त्यामुळे चहाच्या पाण्याने हात धुवा, यामुळे वास पूर्णपणे नाहीसा होईल. याशिवाय बंद ड्रॉवरमधून वास येऊ लागतो, त्यामुळे त्या पुस्तकांजवळ हर्बल टी बॅग ठेवा, त्यामुळे दुर्गंधी दूर होते.

मटण शिजवण्यासाठी

मांसाहारी लोकांना मटण खायला आवडते, पण ते शिजायला वेळ लागतो आणि ते लवकर मऊ होत नाही. अशा स्थितीत उकळत्या पाण्यात चार चमचे चहाची पाने टाका. मटण मॅरीनेट झाल्यावर त्यात चहाच्या पानाचे पाणी घाला. यामुळे मटण मऊ होईल.

खत म्हणून वापरावे

चहाची पाने वनस्पतींसाठी औषध मानली जातात. विशेषतः पान गुलाबाच्या रोपामध्ये खताच्या स्वरूपात टाकले जाते. घरी चहा बनवल्यानंतर पाने स्वच्छ पाण्याने धुवा आणि नंतर वाळवा आणि झाडांच्या कुंडीत टाका, ते झाडांसाठी खत म्हणून काम करते.