भाजपकडून धोका, माझी हत्या होऊ शकते - अरविंद केजरीवाल

नवी दिल्ली : लोकसभा २०१९ च्या निवडणुकीचा अंतिम टप्पा अर्थात सातव्या टप्यात मतदान होत आहे. या मतदानाच्या पूर्वसंध्येला दिल्लीचे मुख्यमंत्री अरविंद केजरीवाल यांनी भाजपवर गंभीर आरोप करुन राजकीय वर्तुळात भूकंप घडवून आणलाय. देशाच्या माजी पंतप्रधान इंदिरा गांधी यांच्याप्रमाणेच माझा 'पर्सनल सिक्युरिटी ऑफिसर' (पीएसओ) माझी हत्या करू शकतो, माझे आयुष्य दोन मिनिटांत संपू शकते, असे धक्कादायक विधान केजरीवाल यांनी केले आहे. दरम्यान, उपमुख्यमंत्री मनीष सिसोदिया यांनीही ट्विट केले आहे. भाजप केजरीवाल यांची हत्या करु शकते.

भाजपा मुझे क्यों मरवाना चाहती है? मेरा क़सूर क्या है? मैं देश के लोगों के लिए स्कूल और अस्पताल ही तो बनवा रहा हूँ। पहली बार देश में स्कूल और अस्पताल की सकारात्मक राजनीति शुरू हुई है। भाजपा इसको ख़त्म करना चाहती है। लेकिन अंतिम साँस तक मैं देश के लिए काम करता रहूँगा। https://t.co/v2HUzal5xo

— Arvind Kejriwal (@ArvindKejriwal) May 18, 2019

माझ्या अवतीभवती जे सुरक्षारक्षक आहेत, ते सगळे भाजपला रिपोर्ट करतात. भाजपचे नेते माझ्या 'पीएसओ'करवी मला ठार मारू शकतात. माझ्या जिवाला त्यांच्यापासूनच धोका आहे, असे अरविंद केजरीवाल यांनी 'पंजाब केसरी' या वृत्तपत्राला दिलेल्या मुलाखतीत केले आहे. नरेंद्र मोदी आपली हत्या करवू शकतात, असा दावा केजरीवाल यांनी २०१६ मध्ये केला होता. 

बीजेपी सीएम की हत्या करवाना चाहती है. @Gupta_vijender के इस ट्वीट ने साबित कर दिया कि सीएम की डेली सिक्योरिटी की रिपोर्ट रोज़ाना बीजेपी के पास पहुँच रही है और बीजेपी इसके आधार पर सीएम की हत्या की साज़िश रच रही है.

इस साज़िश में विजेंद्र गुप्ता भी शामिल हैं. https://t.co/y1r27yD8db

— Manish Sisodia (@msisodia) May 18, 2019

'आप' दिल्लीत सातही जागांवर बहुमताने विजयी झाले असते. मात्र, शेवटच्या दिवशी मुस्लिम समाजाने काँग्रेसला मतदान केले, असा दावा केजरीवाल यांनी केला आहे. त्यामुळे 'आप'ला आता सातही जागा जिंकता येणार नाहीत, अशी खंतही केजरीवाल यांनी व्यक्त केली. शेवटच्या दिवशी मुस्लिम मते फिरल्यामुळे आता 'आप'ला किती जागा मिळतील हे सांगता येणार नाहीत. तसेच या मतविभाजनाचा फायदा भाजपला होण्याचीही दाट शक्यता असे केजरीवाल म्हणालेत.