)
Vitamin B12 Deficiency Symptoms: व्हिटॅमिन बी 12 हे एक अतिशय महत्वाचे पोषक तत्व आहे जे आपल्या शरीरासाठी खूप महत्वाचे आहे. परंतु बर्‍याचदा आपल्या व्यस्त जीवनशैलीमुळे आपण आपल्या आहाराकडे लक्ष देऊ शकत नाही. त्यामुळे या महत्वाच्या पोषक तत्वाची कमतरता निर्माण होते. जर आपण दैनंदिन गरजेबद्दल बोललो, तर पुरुषांसाठी 2.4 मायक्रोग्राम व्हिटॅमिन बी 12 आणि महिलांसाठी 2.6 मायक्रोग्राम सेवन करणे आवश्यक आहे. या पोषक तत्वाच्या कमतरतेमुळे, अन्यथा शरीराला अनेक प्रकारचे नुकसान सहन करावे लागू शकते.
1. थकवा
जर तुम्हाला व्हिटॅमिन बी 12 च्या कमतरतेचा सामना करावा लागत असेल तर तुम्हाला अनेकदा थकवा (Fatigue)जाणवेल. तुमच्या शरीरातील पेशींना योग्यरित्या कार्य करण्यासाठी B12 ची आवश्यकता असते. त्याच्या कमतरतेमुळे लाल रक्तपेशींचे उत्पादन कमी होऊ शकते, ज्यामुळे ऑक्सिजन वितरण बिघडू शकते. अशावेळी थकायला होते.
2. पिवळी त्वचा
: व्हिटॅमिन बी12 च्या कमतरतेमुळे आपली त्वचा पिवळी (Yellow Skin) पडू लागते, कारण अशा प्रकारे अॅनिमियाची लक्षणे दिसू लागतात. रक्ताच्या कमतरतेमुळे त्वचेचा रंग तर बदलतोच, पण डोळ्यांचा पांढरा रंगही पिवळा होतो. पिवळा रंग प्रत्यक्षात उच्च बिलीरुबिन पातळीमुळे होतो.
3. डोकेदुखी
जेव्हा शरीरात व्हिटॅमिन बी कमी होऊ लागते, तेव्हा ते न्यूरोलॉजिकल साइड इफेक्ट्स वाढवते ज्यामध्ये डोकेदुखीचा (Headaches) समावेश होतो. हे सर्वात सामान्य लक्षणांपैकी एक आहे, म्हणून चुकूनही त्याकडे दुर्लक्ष करण्याचा प्रयत्न करू नका.
4. पोटात गुडगुड लागते
व्हिटॅमिन बी 12 च्या कमतरतेमुळे, पोटात समस्या (Gastrointestinal Issues) सुरू होतात, ज्यामुळे अतिसार, उलट्या, बद्धकोष्ठता, पोट फुगणे आणि गॅसच्या तक्रारी असू शकतात. अशा परिस्थितीत ताबडतोब तपासणी करु घ्या आणि योग्य आहार घेणे सुरु करा.
5. मानसिक समस्या (Mental Issue)
व्हिटॅमिन बी च्या कमतरतेमुळे आपल्या मज्जासंस्थेवर परिणाम होतो, त्यामुळे आपल्या मानसिक आरोग्यावरही (Mental Issue) परिणाम होतो. अशा परिस्थितीत आपल्याला नैराश्य, तणाव आणि चिडचिडेपणाचा सामना करावा लागतो.
(Disclaimer: येथे दिलेली माहिती घरगुती उपचार आणि सामान्य माहितीवर आधारित आहे. त्यामुळे तुम्ही वैद्यकीय सल्ला जरूर घ्या. ZEE 24TAAS याची पुष्टी करत नाही.)
Newsletter