मुंबई : चुकीची लाईफस्टाईल आणि खाण्याच्या अयोग्य पद्धती यामळे आजकाल बहुतेकांना वजन वाढीच्या समस्येला सामोरं जावं लागतं. अशातच सतत बसून काम केल्यामुळे बेली फॅट म्हणजेच पोटाजवळची चरबी देखील वाढू लागते. वजन कमी करण्यासाठी किंवा फीट राहण्यासाठी आपण ना-ना पद्धतीचा वापर केला असेल. मात्र आहारात केवळ एका फळाचा समावेश तुम्हाला वजन कमी करण्यासाठी भरपूर मदत करू शकतो.
अंजीर वजन कमी करण्यास फायदेशीर
वजन कमी करायचं असल्यास अंजीराचं नियमित पद्धतीने सेवन केलं पाहिजे. अंजीरमध्ये लोह, कॅल्शियम, जीवनसत्त्वं, पोटॅशियम, मॅग्नेशियम, फायबर आणि प्रथिनं भरपूर प्रमाणात असतात. जे तुमच्या शरीरासाठी फायदेशीर ठरतं.
अंजीरच्या सेवनाने होणारे फायदे
- सकाळी उठून रिकाम्या पोटी अंजीर खाल्ल्याने बेली फॅट कमी होण्यास मदत होईल. याच्या सेवनाने तुम्हाला बराच वेळ पोट भरल्यासारखे वाटतं आणि जास्त वेळ भूक लागत नाही.
- अंजीर भिजवून खा कारण त्यात भरपूर प्रमाणात फायबर असते. यामुळे पचनसंस्था निरोगी राहते आणि वजन कमी करणे सोपं जातं.
- अंजीरमध्ये फिसिन नावाचं पाचक एंझाइम असतं. जे अन्न लवकर पचवण्याचं काम करतं. त्यामुळे पोटाचा त्रास होत नाही आणि वजनही झपाट्याने कमी होतं.
- जर तुम्ही सकाळी लवकर रिकाम्या पोटी भिजवलेले अंजीर खाल्लं तर या फळामध्ये आढळणारे ओमेगा-3 फॅटी अॅसिड कॅलरी बर्न करण्यासाठी फायदेशीर आहेत.