आताची मोठी बातमी! बूस्टर डोससाठी 'या' Vaccine ला मंजूरी, जाणून घ्या, कधी आणि किती रुपयांना मिळणार

Corna Vaccine : कोरोनाविरुद्धच्या लढ्यात केंद्रीय आरोग्य मंत्री मनसुख मांडविया (Mansukh Mandaviya) यांनी आज मोठी घोषणा केली आहे. ज्यांनी कोवॅक्सिन (covaxin) किंवा कोविशील्ड (covishield) लसीचा दोन डोस घेतले आहेत आणि दुसरा डोस घेऊन ज्यांना सहा महिने किंवा 26 आठवडे झाले आहेत, त्यांना CORBEVAX ही लस घेण्यास मंजूर देण्यात आली आहे. 

केंद्र सरकारने कोविशील्ड किंवा कोवॅक्सीनचे पहिले दोन डोस घेतलेल्या 18 वर्षांवरील लोकांसाठी जैविक E CORBEVAX लसीला बूस्टर डोस म्हणून परवानगी दिली आहे. CORBEVAX लस 12 ऑगस्ट 2022 पासून सार्वजनिक आणि खाजगी लसीकरण केंद्रांवर उपलब्ध होणं अपेक्षित आहे. बूस्टर डोस घेण्यासाठी CoWIN अॅपद्वारे रजिस्ट्रेशन केलं जाऊ शकते. भारतातील पहिली स्वदेशी RBD प्रोटीन सबयूनिट CORBEVAX लस सध्या 12 ते 14 वर्षे वयोगटातील मुलांना दिली जात आहे.

या अटींवर दिला जाणार डोस
केंद्रीय मंत्री मनसुख मांडविया यांनी स्पष्ट केलं आहे की, ज्यांना कोवॅक्सीन किंवा कोविशील्ड लसीचा दुसरा डोस मिळाल्यानंतर सहा महिने किंवा 26 आठवडे झाले असतील त्यांनाच ही लस दिली जाईल. पहिला आणि दुसरा डोस म्हणून दिलेल्या लस व्यतिरिक्त इतर लस देण्याची ही देशात पहिलीच वेळ आहे.

CORBEVAX वॅक्सिनची किंमत किती असणार?
सरकारने 15 जुलैपासून पुढील 75 दिवस 18 ते 59 वयोगटातील लोकांना मोफत बूस्टर डोस देण्याची घोषणा केली होती. पण CORBEVAX लसीची किंमत खाजगी लसीकरण केंद्रांसाठी 250 रुपये असेल. लस घेणाऱ्या व्यक्तीला सर्व शुल्कासह जास्तीत जास्त 400 रुपये मोजावे लागतील.

4 जूनला मिळाली होती मान्यता
हैदराबादस्थित फार्मास्युटिकल आणि लस कंपनी बायोलॉजिकल ई. लिमिटेड चार जून रोजी त्यांच्या कॉर्बेव्हॅक्स कोविड-19 लस 6 महिन्यांनंतर ड्रग कंट्रोलर जनरल ऑफ इंडिया (DCGI) ने मंजूर केली आहे अशी घोषणा केली होती. गेल्या महिन्यात, लसीकरणावरील नॅशनल टेक्निकल अॅडव्हायझरी ग्रुपने 18 वर्षांपेक्षा जास्त वयाच्या लोकांसाठी जैविक EK कॉर्बेव्हॅक्सची हेटरोलॉजस बूस्टर म्हणून शिफारस केली होती.