)
मुंबई : ऑफिसमध्ये बराच वेळ बसून राहणं, लोकलचा प्रवास किंवा गाडी चालवणे यामुळे पाठिचा त्रास होतो. कंबरेवर ताण येत असल्यामुळे मणक्याला आधार देणारे स्नायू आणि रक्तवाहिन्यावर वजन येतं. पाठिचा त्रास होऊ नये म्हणून काही खास टीप्स...
आज अनेकांना एकाच जागी बसून काम करावं लागतं. सततची धावपळ आणि कामाचा स्ट्रेस यामुळे व्यायाम करण्यास माणूस टाळाटाळ करतो. शारीरिक हालचाली कमी होत असल्यामुळे स्नायू आणि हाडं कमजोर होतात. बसून काम करणाऱ्यां व्यक्तींनी मणक्याची विशेष काळजी घेणं गरजेचं आहे. पाठदुखीचा त्रास असलेल्यांनी याकडे दुर्लक्ष करु नये. नियमित व्यायाम केला पाहिजे.
काम करताना तुमची बसण्याची सवय हे देखील पाठदुखीचं मुख्य कारण असतं. बसताना आपली पाठ नेहमी सरळ असली पाहिजे. वाकून बसू नये.
ब्रेक घ्या
काम करत असताना काही वेळेनंतर ब्रेक घेत जा. दोन तासांपेक्षा अधिक काळ एकाच ठिकाणी बसून राहू नये. खुर्चीवरून उठून आजूबाजूला फेरफटका मारला पाहिजे.
एकाच ठिकाणी बसल्यामुळे पायांनाही वेदना होतात. हे टाळण्यासाठी गुडघे आणि पायांची हालचाल करत राहा.
काम करताना काळजी घ्या की तुम्ही जी वस्तू उचलत आहेत त्याचं वजन खूप असता कामा नये. खूप वजन उचलण्याचा प्रयत्न करु नका. अन्यथा पाठिवर ताण येऊ शकतो.
Newsletter