पडत्या काळात करीनाला सैफचा आधार

मुंबई : आयुष्यात अनेकदा अशी काही वळणं येतात जेव्हा परिस्थिती काहीशी बिघडते, गोष्टी अटोक्यात राहात नाहीत. अशा वेळी कोणा एका व्यक्तीचा आधार आणि त्याची किंवा तिची साथही फार महत्त्वाची ठरते. अशीच साथ मिळाली होती, अभिनेत्री करीना कपूर हिला. अभिनय विश्वात आपली वेगळी ओळख प्रस्थापित करत कलाविश्वातील प्रतिष्ठीत कुटुंबाला साजेशी कामगिरी करत करीनाने या क्षेत्रात घट्ट पाय रोवले. पाहता पाहता ती यशाच्या शिखरावरही पोहोचली. आजच्या घडीला ती बी- टाऊनची बेगम म्हणूनही ओळखली जाते. पण, यशाच्या या टप्प्यावर पोहोचण्यासाठी तिला काही अडचणींचा आणि कठीण प्रसंगांचा सामनाही करावा लागला होता. या साऱ्यामध्ये तिला खंबीरपणे साथ देत उभा होता, अभिनेता आणि तिचा पती सैफ अली खान. 

'ह्युमन्स ऑफ बॉम्बे'शी संवाद साधताना करिनाने तिच्या कारकिर्दीतील महत्त्वाच्या टप्प्याविषयी माहिती दिली. करिष्मा कपूरच्या अभिनय कारकिर्दीनंतर करीनाही तिच्यापासून प्रेरित झाली आणि तिनेही आपला मोर्चा अभिनय विश्वाकडे वळवला. सुरुवातीचा काळ अगदी चांगल्या रितीने पार पडला. पण, पुढे जाऊन जवळपास एक वर्षभरासाठी तिने काम केलं नव्हतं. आपली कारकिर्द इथेच संपल्याच्या भावनेने करीनाच्या मनात घर केलं. स्वत:चा पुन्हा नव्याने शोध घेण्याचा सल्लाही तिला देण्यात आला होता. खुद्द करीनानेच याविषयीची माहिती दिली. 

'सर्वांच्याच वाटेत काही कठीण प्रसंग येतात. पण, एक अभिनेत्री म्हणून हे सारं जास्त अवघड होतं. कारण तुमच्यावर असंख्य नजरा खिळलेल्या असतात. नशिबाने मला आधार देणारी लोकंही भेटली. ज्यावेळी या साऱ्यामुळे माझा तोल ढासळतोय असं वाटलं तेव्हा मला सैफने सावरलं, आधार दिला', असं करीना म्हणते. 

सैफला ती अनेकदा भेटली होती. पण, 'टशन' या चित्रपटाच्या चित्रीकरणादरम्यान तिला भेटलेला सैफ हा वेगळा होता. पाहता पाहता ती त्याच्या प्रेमात पडली. लडाख आणि जैसलमेर येथे चित्रीकरणातून वेळ काढत ते दोघंही अनेकदा लाँग बाईक राईडवरही जात. हळूहळू त्यांचं हे नातं अधिकच दृढ होत गेलं. १० वर्षांहून मोठा, त्यातही दोन मुलं असणारा सैफ हा त्यावेळी करीनाला आधार देण्यासोबतच तिला स्वत:वर प्रेम करायला शिकवून गेला. त्याच्यामुळे तिने गोष्टींमध्ये समतोल राखण्याची कलाही शिकली. 

 

 

 

 

View this post on Instagram

“When I came back home from boarding school, Karisma had just started acting. I was in awe of her–I remember her in ‘Dil Toh Pagal Hai’, being so passionate. She held herself with such pride through everything; watching her made me want to act too. So when my time came, she taught me to wade through this industry as a woman. It started out great–I did amazing films. But then for a year I didn’t work. I felt like my career was over; I was told to ‘re-invent’, become size 0. Everyone goes through a lull in their career. But as an actor, it's worse–there are so many eyes on you! Somehow through my life, I’ve been blessed with people who have supported me thoroughly! So just when I thought I was falling, Saif caught me. I’d met him before, but while we were filming Tashan, something changed. I wore my heart on my sleeve! He was so charming; I fell for him hook, line & sinker. I remember while shooting in Ladakh & Jaisalmer, we’d go on long bike rides for some alone time. We’d enjoy the beauty, have great conversations & just bond! He’s 10 years older than me & has 2 kids. But for me, he was just Saif–he helped me heal & love myself. Maybe it was the fact that we’re so different–he’s more private & not ‘Bollywoodised’, but I imbibed that from him. I learnt to balance things & not let them get to me. We'd been dating for awhile, when he said he’s not 25 & can't keep dropping me home every night. So he told my mom, ‘I want to spend the rest of my life with her. We want to live together.' My mom was cool with it. It’s so easy with him. Even when we decided to get married, it felt right. A few years later, I was blessed with our son, Taimur. Motherhood is the greatest thing that's happened to me. Taimur is a part of me–I can’t go an hour without him. He’s always with me wherever I am. He makes me want to work harder every day. I’m at a stage in my life where I don’t have to choose between career & family. I’m doing both. I’m an actor but through all the ups & downs I’ve been a sister, a wife, a mom & none of these roles have deterred me. In fact, it’s put me on the right path. My dreams have gotten bigger–there’s much more to achieve. As an actor, and as a woman.”

A post shared by Humans of Bombay (@officialhumansofbombay) on Apr 24, 2019 at 5:28am PDT

काही काळ एकमेकांना डेट केल्यानंतर आपण काही २५ वर्षांचे नाही आणि दररोज असं आपल्याला सोडण्यासाठी घरापर्यंत येऊ शकत नाही याची जाणिव सैफने तिला करुन दिली. त्यामुळे त्यानेच करीनाच्या आईकडे तिच्यासोबतचं उर्वरित आयुष्य व्यतीत करण्यासाठीची परवानगी मागितली. पुढे जाऊन सैफ आणि करीना विवाहबंधनात अडकले. 

बी- टाऊनच्या या जोडीच्या आयुष्यात तैमूर या त्यांच्या मुलाचंही आगमन झालं. त्याच्या येण्य़ाने आपलं आयुष्यच बदलून गेल्याचं सांगच करिअर आणि कुटुंब या दोन गोष्टींपैकी कोणा एका गोष्टीची निवड करण्याची मला कधी गरजच लागली नाही, हे करीना आवर्जून सांगते. कारण, अनेक चढ-उताराच्या या वाटेत ती एक अभिनेत्री असण्यासोबतच बहीण, पत्नी, आई अशा भूमिकाही तितक्याच शिताफीने हाताळत असल्याचं सांगते.