'राधा घुंगटा जो तुने उठाया...' संजूबाबासोबत सोनाक्षीचा गरबा डान्स

मुंबई : गेल्या वर्षापासून कलाविश्वात अनेक थोर व्यक्तींची यशोगाथा चित्रपटाच्या माध्यमातून साकारण्यात येत आहे. तर यंदाच्या वर्षीदेखील स्क्वाड्रन लीडर विजय कर्णिक यांची कारकिर्द उलगडणारा जीवनप्रवास बायोपिकच्या माध्यमातून प्रेक्षकांच्या समोर येणार आहे. अभिनेता अजय देवगणची मुख्य भूमिका असणारा 'भुज- प्राइड ऑफ इंडिया' चित्रपटाती एक गाणं प्रदर्शित करण्यात आला आहे. या गाण्यात प्रेक्षकांना संसूबाबा आणि अभिनेत्री सोनाक्षी सिन्हाचा गरबा डान्स पाहाता येणार आहे. 

'रम्मो रम्मो' असं गाण्याचं नाव आहे. चित्रपटाबद्दल सांगायचं झालं तर 13 ऑगस्ट रोजी ओटीटी प्लॅटफॉर्मवर प्रदर्शित करण्यात येणार आहे. ‘डिज्नी प्ल्स हॉटस्टार’वर  प्रेक्षकांना हा चित्रपट पाहाता येणार आहे. 

सूत्रांनी दिलेल्या माहितीनुसार, 'भुज- प्राइड ऑफ इंडिया' (Bhuj The Pride of India)  गुजरातच्या माधापुर येथील ३०० महिलांच्या शौर्यावर बेतलेला चित्रपट आहे. ज्यांनी १९७१ साली झालेल्या युद्धात भारताला यश मिळवून देण्यास एक महत्वाची भूमिका साकारली होती. चित्रपटात अजय मुख्य भूमिका साकारणार असून संजय रणछोडदास 'पागी' भूमिकेला न्याय देताना दिसणार आहे. 

चित्रपटात संजय दत्त, सोनाक्षी सिन्हा, राणा दग्गुबाती, परिणीति चोप्रा आणि एम्मी विर्क मुख्य भूमिकेत झळकणार आहेत. अभिषेक दुधैया या चित्रपटाचे दिग्दर्शन करणार असून, गिन्नू खनूजा, वजिर सिंग, भूषण कुमार, कृष्ण कुमार आणि अभिषेक दुधैया यांनी चित्रपटाच्या निर्मितीची जबाबदारी घेतली आहे.