सार्वजनिक वाहतूक उत्तम पर्याय - सोनम कपूर

मुंबई : बॉलिवूडमधील फॅशन आयकॉन म्हणून ओळखली जाणारी अभिनेत्री म्हणजे सोनम कपूर. सोनम नेहमी तिच्या कपड्यांमुळे आणि लूक्ससाठी चर्चेत असते. पण आता ती एका वेगळ्या कारणामुळे चर्चेत आली आहे. सोनम सध्या लंडनमध्ये आहे. पण लंडंनमध्ये दाखल होताच तिला एका कठीण प्रसंगाला सामोरे जावे लागले. सोशल मीडियाच्या माध्यमातून तिने हा भयानक अनुभव तिच्या चाहत्यांना सांगितला आहे. 

Hey guys I’ve had the scariest experience with @Uber london. Please please be careful. The best and safest is just to use the local public transportation or cabs. I’m super shaken.

— Sonam K Ahuja (@sonamakapoor) January 15, 2020

उबेरमधून प्रवास करताना तिला एक भयानक अनुभव आला. त्यामुळे तिने सोशल मीडियाच्या माध्यमातून चाहत्यांना सार्वजनिक वाहतुकीचा उपयोग करण्याचे आवाहन केले. यासंबंधतीत तिने एक व्हिडिओ पोस्ट केला आहे. या पोस्टच्या माध्यमातून तिने चाहत्यांना सल्ला दिला. 

ती म्हणाली, 'लंडनमध्ये उबेरसोबत मला एक भयानक अनुभव आला आहे. काळजी घ्या. सर्वात जास्त सुरक्षित आणि चांगली सार्वजनिक वाहतूक आहे. त्यामुळे सार्वजनिक वाहतुकीचा वापर करा.' सोनमच्या या ट्विटनंतर तिला एका नेटकऱ्याने काय झाले अशी विचारणा केली. 

What happened, sonam? As someone who takes cabs in London, it would be good to know!

— Priya Mulji (@PriyaMulji) January 15, 2020

तेव्हा सोनमने घडलेल्या घटनेचा खुलासा केला. वाहन चालक मानसिक संतूलन बिघडलेलं होतं. शिवाय तो सोनमवर मोठ्याने किंचाळत देखील होता. त्यामुळे मी अत्यंत घाबरले होते, असं ती म्हणाली. यानंतर उबेरने सोनमच्या ट्विटवर रीट्विट करत माफी मागीतली आहे.