बॉलिवूडमधील आणखी एका जोडप्याचं ब्रेकअप, चाहत्यांना आणखी एक धक्का

Disha Patani Tiger Shroff Break Up : बागी चित्रपटाचा मुख्य कलाकार दिशा पटानी आणि टायगर श्रॉफ अनेक वर्षांपासून एकमेकांना डेट करत आहेत. दोघांनी कधीही अधिकृतपणे त्यांच्या नात्याची कबुली दिली नसली तरी डिनर, पार्टी आणि एअरपोर्टवर त्यांना अनेकदा एकत्र पाहिले गेले आहे. टायगर आणि दिशाने त्यांचे जुने नाते संपुष्टात आणले असून दोघांचे ब्रेकअप झाल्याच्या बातम्या अलीकडे येत आहेत. 

याबाबतही या जोडप्याकडून कोणतीही माहिती मिळालेली नाही.दिशा पटानी आणि टायगर श्रॉफचे जवळपास सहा वर्षे जुने नाते संपुष्टात आल्याचे वृत्त समोर येत आहे आणि दोघे वेगळे झाले आहेत. बातम्यांनुसार, दोन्ही कलाकार या वर्षाच्या सुरुवातीला वेगळे झाले होते आणि सध्या सिंगल आहेत.

हिंदुस्तान टाईम्सने दिलेल्या वृत्तानुसार, त्यांचे नाते तुटण्यामागचे कारण कळू शकले नाही, परंतु हे निश्चितपणे समोर आले आहे की गेल्या एक वर्षापासून दोघांमध्ये खूप भांडण सुरू होते. टायगरच्या एका मित्राने अलीकडेच त्यांच्या ब्रेकअपची पुष्टी केली आणि सांगितले की त्यालाही काही आठवड्यांपूर्वी याची माहिती मिळाली. त्याच्या मित्रानेही याविषयी सध्या कोणालाच सांगितले नसल्याचे सांगितले.

टायगरला सध्या फक्त त्याच्या कामावर लक्ष केंद्रित करायचे आहे आणि ब्रेकअपचा त्याच्यावर फारसा परिणाम झालेला नाही.

ब्रेकअपच्या बातम्यांदरम्यानही, दिशा आणि टायगरने एकमेकांना त्यांच्या चित्रपटांसाठी शुभेच्छा दिल्या आहेत आणि असे म्हटले जात आहे की दोघे अजूनही मित्र आहेत.