अभिनेत्री अवनीत कौर बॉलीवूडच्या 'या' अभिनेत्याच्या प्रेमात; शेअर केला रोमँटिक व्हिडिओ

मुंबई : एकेकाळी छोट्या पडद्यावर धुमाकूळ घालणारी अभिनेत्री अवनीत कौर आज सोशल मीडिया स्टार बनली आहे. तीही वयाच्या अवघ्या 20 व्या वर्षी आणि ही गोष्ट सर्वांनाच आश्चर्यचकित करते. अवनीत कौरने खूप कमी वयात संपत्ती ते प्रसिद्धी मिळवली आणि आता लवकरच ती बॉलिवूडमध्येही पदार्पण करणार आहे. पण यावेळी ती एका बॉलीवूड अभिनेत्यावर खूप प्रेम करते. ज्याच्यासोबत ती तिच्या नवीन  व्हिडिओमध्ये देखील दिसली आहे आणि तो दुसरा कोणी नसून वरुण धवन आहे.

वरुण धवनसोबत शेअर केला व्हिडिओ
अवनीत कौर सोशल मीडियावर सक्रिय असते आणि अनेकदा तिच्या व्हिडिओंमुळे चर्चेत असते. आता अवनीतने आणखी एक व्हिडिओ शेअर केला आहे. ज्यामध्ये ती बॉलिवूड अभिनेता वरुण धवनसोबत दिसत आहे. अवनीत वरुण धवनच्या चित्रपटातील नैन ता हीर वर्गे या गाण्यावर रील बनवत आहे ज्यामध्ये दोघंही एकमेकांवर प्रेमाचा वर्षाव करत आहेत. त्याचबरोबर, या व्हिडिओवरून अंदाज लावला जाऊ शकतो की दोघंही एका प्रोजेक्टमध्ये एकत्र दिसणार आहेत आणि याचदरम्यान अवनीतने हा व्हिडिओ बनवला आहे.

अवनीत कौर करणार नवाजुद्दीनसोबत स्क्रिन शेअर
तुम्हाला हे जाणून आश्चर्य वाटेल की, अवनीत स्वतः 20 वर्षांची आहे पण ती लवकरच 48 वर्षांच्या नवाजुद्दीन सिद्दिकीसोबत स्क्रिन शेअर करणार आहे. या दोघांची जोडी टिकू वेड्स शेरू या चित्रपटात दिसणार आहे. ज्याचं शूटिंग पूर्ण झालं आहे. हा चित्रपट लवकरच प्रदर्शित होणार आहे. यासह अवनीत मुख्य अभिनेत्री म्हणून चित्रपटांमध्ये पाऊल ठेवणार आहे. अवनीत याआधी छोट्या पडद्यावरील अलादीन या मालिकेत दिसली होती आणि यास्मिनच्या भूमिकेत तिला चांगलीच पसंती मिळाली होती.