)
मुंबईः आजकाल लोक वजन कमी करण्यासाठी 'इंटरमीडिएट फास्टिंग' करतात. ही एक खाण्याची पद्धत आहे ज्यामध्ये तुम्हाला दररोज काही तास अन्न सोडावे लागते. इंटरमीडिएट फास्टिंगमध्ये, तुम्हाला दररोज किमान 16-17 तास उपवास करावा लागतो आणि त्यानंतर तुम्हाला फक्त 8 तासांच्या आत जेवण करावे लागते. यामुळे वजन कमी होण्यास खूप मदत होते.
अनेक सिनेतारकांनी वजन कमी करण्यासाठी अधूनमधून उपवासही केला आहे. कोणत्या कलाकारांनी आजमावला हा फंडा पाहुयात..
आलिया भट्ट: आलिया भट्ट नेहमीच तिच्या फॅब फिगर आणि टोन्ड बॉडीसाठी ओळखली जाते. आलिया तिच्या फिगरबाबत खूप सावध आहे, म्हणूनच ती तिचे वर्कआउट सेशन कधीच चुकवत नाही. पण आताप्रमाणे ती पूर्वी सडपातळ नव्हती. मीडिया रिपोर्ट्सनुसार, आलियाने अधूनमधून इंटरमीडिएट फास्टिंग केला ज्यामुळे तिला वजन कमी करण्यात मदत झाली.
भारती सिंग: प्रसिद्ध कॉमेडियन भारती सिंगने गेल्या वर्षी तिचे वजन कमी करून सर्वांना आश्चर्यचकित केले. तिचे पूर्वी वजन 91 किलो होते, नंतर भारतीने ते 76 किलो केले. लॉकडाऊन दरम्यान अधूनमधून उपवास करून तिनं 15 किलो वजन कमी केलं. यादरम्यान भारतीने दुपारी 12 वाजण्यापूर्वी आणि सायंकाळी 7 नंतर काहीही खाल्ले नाही.
मलायका अरोरा: बॉलीवूडमधील सर्वात सुंदर अभिनेत्रींपैकी एक मलायका अरोरा शाकाहारी आहे. ती इंटरमिटंट फास्टिंग डाएट देखील फॉलो करते. मात्र, मलायका तिच्या मनाला वाटेल ते खाते, पण वेळेवर. मीडिया रिपोर्ट्सनुसार, मलायका 16-18 तास उपवास करते. ती संध्याकाळी 7 वाजता तिचे जेवण घेते.
टायगर श्रॉफ: फिटनेस फ्रीक टायगर श्रॉफचे नावही या यादीत सामील आहे. मात्र, टायगर तंदुरुस्त राहण्यासाठी उपवासही करतो हे फार कमी लोकांना माहिती आहे. मीडिया रिपोर्ट्सनुसार, टायगर नाश्ता करत नाही. तो दुपारी 1:30-2 च्या सुमारास दुपारचे जेवण घेतो आणि रात्रीचं जेवण वेळेत करतो.
जॅकलिन फर्नांडिस: जॅकलिन फर्नांडिस फिटनेसबाबत खूपच जागरूक आहे. तिला जिममध्ये जाणे आवडत नाही, त्याऐवजी ती योगा, एरोबिक्स आणि पायलेट्स करणे पसंत करते. जॅकलिन संध्याकाळी 7:30 पर्यंत तिचे जेवण घेते. तिने एका मुलाखतीत सांगितले होते की, 'मी माझ्या शरीराला अन्न पचवण्यासाठी 12 तासांचा ब्रेक देते, त्यामुळे मला हलकं आणि ऊर्जा मिळते.'
Newsletter