'हाऊसफुल्ल 4' सिनेमात अक्षय कुमारचा बाल्ड लूक?

मुंबई : अक्षय कुमारचा सध्या एक लूक खूप चर्चेत आहे. सोशल मीडियाद्वारे त्यांच्या फॅन क्लबद्वारे एक फोटो शेअर केला जात आहे. ज्यामध्ये तो एका योद्धाच्या रुपात बाल्ड लूकमझ्ये दिसत आहे. असं सांगितलं जातंय की, अक्षयचा हा लूक त्याच्या आगामी 'हाऊसफुल 4' करता आहे. या लूकमध्ये अक्षय कुमारने पूर्णपणे टकलू केलं आहे. त्यांचा हा अवतार बघता चाहते देखील गोंधळले आहेत. आता या फोटोवरून अनेक तर्क वितर्क केले जात आहेत. 

मात्र अद्याप या लूकवर शिक्कामोर्तब झालेला नाही की, हा लूक हाऊसफुल 4 मधीलच आहे. मात्र अक्षयचे चाहते या स्टाइलला बघून खूप एक्सायटेड आहेत. पण 'हाऊसफुल 4'चा दिग्दर्शक साजिद खानवर एका लेखिकाने लैंगिक अत्याचाराचा आरोप लावला आहे. यामुळे अक्षयने या सिनेमाचं शुटिंग थांबवलं आहे. 

Exclusive Look- Dashing superstar @akshaykumar sir in #Housefull4 . Get ready to Welcome the MAHARAJA of Bollywood. @NGEMovies Maharaaj of hearts pic.twitter.com/qM59QWZlh4

— Akshay_kumar THE BOSS (@Souravkirar1) October 15, 2018

आरोपांमध्ये अडकलेल्या साजिद खानला आता हा प्रोजेक्ट सोडावा लागला आहे. त्यामुळे हा सिनेमा आतापासूनच खूप चर्चेत आला आहे. तसेच अक्षय कुमार '2.0' या सिनेमात लवकर रजनीकांतसोबत दिसणार आहे. सिनेमात अक्षय नकारात्मक भूमिका साकारताना दिसणार आहे.