അടിസ്ഥാന സാങ്കേതികതകള് വികസിപ്പിക്കുന്നതിനായി കമ്പനി ഈ വര്ഷം 20,000 കോടി ചെലവഴിക്കുമെന്ന് എയര്ടെല് ചെയര്മാന് സുനില് ഭാരതി മിത്തല്. ഇന്ത്യന് മൊബൈല് കോണ്ഗ്രസ് വേദിയില് സംസാരിക്കുകയായിരുന്നു അദ്ദേഹം.
ടെലികോം രംഗത്തെ പ്രധാന എതിരാളികളില് ഒന്നായ റിലയന്സ് ഇന്ഡസ്ട്രീസ് ചെയര്മാന് മുകേഷ് അംബാനിയോടൊപ്പം വേദി പങ്കിട്ട മിത്തല് ഈ മേഖലയുടെ വളര്ച്ചയ്ക്കായി സംയുക്ത പ്രവര്ത്തനങ്ങള് വേണമെന്നും പറഞ്ഞു.
സാങ്കേതിക മേഖലയില് വളര്ച്ചയ്ക്ക് സര്ക്കാര് സഹായം വേണ്ടത് അത്യാവശ്യമാണ്. ഈ വര്ഷം അടിസ്ഥാന സാങ്കേതിക സൗകര്യങ്ങള് കൂടുതല് മെച്ചപ്പെടുത്തുന്നതിനായി എയര്ടെല് 18,000 -20,000 കോടി രൂപ ചെലവഴിക്കും. ടെലികോം കമ്പനികള് എല്ലാവരും കൂടി ഈ വര്ഷം 50-60,000 കോടി രൂപ ചെലവഴിക്കുമെന്നാണ് കരുതുന്നത് എന്നും അദ്ദേഹം പറഞ്ഞു.