ശ്രീ​ല​ങ്കക്കെതിരായ ടെസ്റ്റ്‌: ഇന്ത്യയ്ക്ക് കൂറ്റന്‍ ലീഡ്

ഗാലെ: ശ്രീ​ല​ങ്കക്കെതിരേ ഗാലെയില്‍ നടക്കുന്ന ആദ്യ ടെസ്റ്റില്‍ ഇന്ത്യയ്ക്ക് കൂറ്റന്‍ ലീഡ്. മൂ​ന്നാം ദി​നം കളി അവസാനിക്കുമ്പോള്‍ 189/3 എ​ന്ന​നി​ല​യിലാണ്. ഇതുവരെ 498 റ​ണ്‍​സി​ന്‍റെ മൊ​ത്തം ലീ​ഡാ​യി. ര​ണ്ടു ദി​നം കളി ശേ​ഷി​ക്കെ മഴ മാത്രമേ ശ്രിലങ്കയെ രക്ഷിക്കാനാകു. ര​ണ്ടാം ഇ​ന്നിം​ഗ്സി​ൽ ഇ​ന്ത്യ​ക്കാ​യി നാ​യ​ക​ൻ വി​രാ​ട് കോഹ്‌ലി​യും ഓ​പ്പ​ണ​ർ അ​ഭി​ന​വ് മു​കു​ന്ദും തി​ള​ങ്ങി. 

116 പന്തിൽ എട്ടു ബൗണ്ടറികൾ ഉൾപ്പെടെ 81 റൺസെടുത്ത മുകുന്ദ്  ഗുണതിലകയ്ക്ക് വിക്കറ്റ് സമ്മാനിച്ച് മടങ്ങിയതോടെ, അംപയർമാർ ഇന്നത്തെ കളി അവസാനിപ്പിച്ചു. 114 പന്തിൽ അഞ്ചു ബൗണ്ടറി ഉൾപ്പെടെ 76 റൺസെടുത്ത ക്യാപ്റ്റൻ കോഹ്‍ലി ക്രീസിലുണ്ട്. മൂ​ന്നാം വി​ക്ക​റ്റി​ൽ കോഹ്‌ലിയും മു​കു​ന്ദും ചേ​ർ​ന്ന് 133 റ​ണ്‍​സ് കൂട്ടുകെട്ട് പടുത്തുയര്‍ത്തി. ഒന്നാം ഇന്നിങ്സിലെ സെഞ്ചുറി വീരൻമാരായ ശിഖർ ധവാൻ 14, ചേതേശ്വർ പൂജാര 15 എന്നിവരാണ് മൂന്നാം ദിനം പുറത്തായ ഇന്ത്യൻ താരങ്ങൾ. ദിൽറുവാൻ പെരേര, ലഹിരു കുമാര എന്നിവർക്കാണ് വിക്കറ്റ്.

154ന് 5 എന്ന നിലയില്‍ ഇന്ന്‍ കളി പുനരാരംഭിച്ചപ്പോള്‍ എ​യ്ഞ്ച​ലോ മാ​ത്യൂ​സും ദി​ൽ​റു​വാ​ൻ പെ​രേ​ര​യും ചേ​ർ​ന്ന്  ആ​റാം വി​ക്ക​റ്റി​ൽ അ​ർ​ധ​സെ​ഞ്ചു​റി കൂ​ട്ടു​കെ​ട്ട് (62) പ​ടു​ത്തു​യ​ർ​ത്തി​ ല​ങ്ക​ൻ സ​കോ​ർ 200 ക​ട​ത്തി. 246 റണ്‍സിന്‍റെ ഫോളോഓണ്‍ ഒഴിവാക്കാന്‍ സാധിക്കുമെന്ന പ്രതീക്ഷ ഇരുവരുടെയും കൂട്ടുകെട്ടില്‍ തോന്നിച്ചെങ്കിലും സ്കോ​ർ 205ൽ ​എ​ത്തി​യ​പ്പോ​ൾ മാ​ത്യൂ​സ്(83) പു​റ​ത്താ​യതോടെ ആ പ്രതീക്ഷയും അസ്തമിച്ചു.

ഉ​ച്ച​ഭ​ക്ഷ​ണ​ത്തി​നു പി​രി​യു​ന്പോ​ൾ 289/8 എ​ന്ന നി​ല​യി​ലാ​യി​രു​ന്നു ആ​തി​ഥേ​യ​ർ. എന്നാല്‍, ഉച്ചഭ​ക്ഷ​ണ​ത്തി​നു​ശേ​ഷം  കളി പുനരാരംഭിച്ചപ്പോള്‍ മൂന്നു റണ്‍സുകൂടി മാത്രമേ ആ​തി​ഥേ​യ​ർക്ക് നേടാനായുള്ളൂ. ഇ​ന്ത്യ​ക്കാ​യി ര​വീ​ന്ദ്ര ജ​ഡേ​ജ മൂ​ന്നു വി​ക്ക​റ്റും, മു​ഹ​മ്മ​ദ് ഷാ​മി ര​ണ്ടു വി​ക്ക​റ്റും ഉ​മേ​ഷ് യാ​ദ​വ്, ആ​ർ.​അ​ശ്വി​ൻ, ഹാ​ർ​ദി​ക് പാ​ണ്ഡ്യ എ​ന്നി​വ​ർ ഓ​രോ വി​ക്ക​റ്റ് വീ​ത​വും വീ​ഴ്ത്തി.