){kind=logo}
കൊച്ചി: അണ്ടര്‍ 17 ലോകകപ്പ് കൊച്ചിയിലെത്തുമ്പോള്‍ കൊച്ചിയിലെ പെണ്‍കുട്ടികളും ഭയങ്കര ഫുട്‍ബോൾ ആവേശത്തിലാണ്. പുതിയ ഒരു ടീം രൂപീകരിച്ചാണ് മഹാരാജാസ് കോളേജിലെ പെണ്‍കുട്ടികള്‍ ലോകകപ്പ് ആവേശത്തില്‍ പങ്കുചേരുന്നത്.
ഫുട്ബോള്‍ ആണുങ്ങളുടെ മാത്രമല്ല പെണ്‍കുട്ടികളുടെയും കളിയാണെന്നാണ് അവര്‍ പറയുന്നത്. കേരളത്തില്‍ ഫുട്ബോള്‍ കളിക്കുന്നവരില്‍ അധികവും ആണ്‍കുട്ടികളാണെങ്കിലും ഇനി അങ്ങോട്ട് പെണ്‍കുട്ടികളും ഉണ്ടാകുമെന്നാണ് ഇവരുടെ പക്ഷം. അണ്ടര്‍ 17 ലോകകപ്പും ഐ.എസ്.എല്ലും കൊച്ചിയെ ആവേശത്തിന്‍റെ നെറുകയിലെത്തിച്ചിരിക്കുകയാണ്. മഹാരാജാസ് കോളേജ് മൈതാനം, ലോകകപ്പിനെത്തുന്ന വിദേശ ടീമുകളുടെ പരിശീലനത്തിനായി ഫിഫയ്ക്ക് കൈമാറിയതിനാല്‍ തല്‍ക്കാലം അംബേദ്കര്‍ സ്റ്റേഡിയത്തിലാണ് ഇവരുടെ പരിശീലനം. മുന്‍ ഇന്ത്യന്‍ രാജ്യാന്തര താരം സി.വി.സീനയാണ് വനിതാ ടീമിനെ പരിശീലിപ്പിക്കുന്നത്.
Newsletter
