7th Pay Commission: ജൂലൈ 1 മുതൽ കേന്ദ്ര ജീവനക്കാർക്കും പെൻഷൻകാർക്കും സന്തോഷ വാർത്ത

2021 ജൂലൈ 1 മുതൽ മരവിച്ചിരുന്ന മൂന്ന് ക്ഷാമബത്തയും നൽകാൻ തുടങ്ങുമെന്ന് ധനമന്ത്രി അനുരാഗ് സിംഗ് താക്കൂർ രാജ്യസഭയിൽ അറിയിച്ചു. 

കൊറോണ പകർച്ചവ്യാധി കാരണം കേന്ദ്ര ജീവനക്കാരുടെ ക്ഷാമബത്തയും പെൻഷൻകാരുടെ ഡിആറും മൂന്നുതവണത്തെ അതായത്  2020 ജനുവരി 1, 2020 ജൂലൈ 1, 2021 ജനുവരി 1 എന്നിവ നിർത്തിവച്ചിരുന്നു. 

ജൂലൈ ഒന്നിന് ക്ഷാമബത്ത ലഭിക്കുന്നത് വീണ്ടും ആരംഭിക്കും. 50 ലക്ഷം കേന്ദ്ര ജീവനക്കാർക്കും 65 ലക്ഷം പെൻഷൻകാർക്കും ഇതൊരു ആശ്വാസ വാർത്തയാണ്.  ക്ഷാമബത്തയിൽ വർദ്ധനവ് ജൂലൈ 1 മുതൽ ബാധകമാണ്.  എന്നാൽ ജീവനക്കാർക്ക് മുൻകാല കുടിശ്ശിക ലഭിക്കില്ല.

കേന്ദ്ര ജീവനക്കാർക്കും പെൻഷൻകാർക്കും നിലവിൽ 17 ശതമാനം ക്ഷാമബത്ത ലഭിക്കും. ക്ഷാമബത്ത വർഷത്തിൽ 2 തവണ വർദ്ധിക്കും.  പക്ഷേ കൊറോണ കാരണം 2020 ജൂലൈയിലും 2021 ജനുവരിയിലും ഡിഎയുടെ വർദ്ധനവ് പ്രഖ്യാപിച്ചിട്ടില്ല. ഡിഎയുടെ വർദ്ധനവ് സർക്കാർ പ്രഖ്യാപിക്കുകയാണെങ്കിൽ DA 25 ശതമാനത്തിലെത്തും.

ഏഴാമത്തെ ശമ്പള കമ്മീഷൻ പുതിയ പേ മാട്രിക്സ് പ്രഖ്യാപിച്ചു. പേ മാട്രിക്സ് ഉപയോഗിച്ച്, കേന്ദ്ര ജീവനക്കാർക്ക് അവരുടെ കരിയറിന്റെ തുടക്കത്തിൽ തന്നെ കരിയറിലെ മുഴുവൻ വളർച്ചയും വിലയിരുത്താൻ കഴിയും. സിവിൽ എംപ്ലോയീസ്, ഡിഫൻസ് ഫോഴ്‌സ്, മിലിട്ടറി നഴ്‌സിംഗ് സർവീസ് (എം‌എൻ‌എസ്) എന്നിവയ്ക്കായി പ്രത്യേക പേ മാട്രിക്സ് തയ്യാറാക്കി. ഇപ്പോൾ ഇതിന്റെ അടിസ്ഥാനത്തിൽ ജീവനക്കാരുടെ ശമ്പളം വർദ്ധിപ്പിക്കും.